Page 25 - Литература 6 кылаас 2 чааhа

рүн-санааларын, ис дууһаларын бэргэнник ойуулуур.
Бу айымньы хас биирдии түгэнэ литературнай дьоруой
ис санаатын мучумаанын кытта ыкса сибээстээх. Ыста-
паан дьиэтин иһин-таһын, айылҕа уонна куорат көстүүлэ-
рин ойуулааһын кини ис дууһатын, санаата оонньуурун
көрдөрөргө көмө буолаллар, кини кутурҕанын күүһүрдэн
биэрэллэр. Холобур, Ыстапаан бастаан куоракка кии-
рэригэр, куорат дьоно хайдах эрэ олус уратылар, маа-
нылар, ыраастар, көҥүл сүүрэ-көтө сылдьаллар, «кини
диэки кырыы да харахтарынан кынчарыйан көрбөккө
ааһаллар», оттон кини, үбүн-аһын хаартыга сүүйтэрэн,
санаата түһэн истэҕинэ, «куорат дьиэлэрдиин, киһи-
лиин-сүөһүлүүн бэҕэһээ көрбүтүттэн быдан уларыйбыкка
дылы буолбуттар, киһи барыта киниэхэ кыыһырбыт кур-
дук, дьэбин уоһуйан көһүннүлэр, бэл, ааһан иһэр ыттыын
ырдьыгынаан аастылар». Бу ойуулааһын кини хараас-
тыбыт санаатын хараҥа кырааскатын хойуннаран биэ-
рэр. Маннык күүстээх психологическай хартыынаны үр-
дүк маастарыстыбалаах суруйааччы эрэ оҥоруон сөп.
Бу — А. И. Софронов прозаик быһыытынан айар талаанын
үрдүк көстүүтэ буолар.

Кэпсээн тиһэх чааһа олус долгутуулаахтык бэрилли-
бит. Ааҕааччы Ыстапааны эмиэ да аһынар, эмиэ да кэ-
лэйэр. Кини, төһө да ис-иһиттэн кэмсиннэр, муҥатыйдар,
«кытта төрөөбүт кыдьыгыттан» кыайан босхоломмот. Ситэ
биир ый буолбакка суос-соҕотох тыһаҕастааҕын хаартыга
сүүйтэрэр. Манан А. И. Софронов Ыстапаан хаарты дьаа-
тыгар арахсыбаттык ылларбытын, ыал аҕата буолартан
букатыннаахтык эстибитин тоһоҕолоон бэлиэтиир.

Бу кэпсээнтэн хаарты, арыгы, о.д.а. дьаллык чэпчэ-
китик арахсыбатын, киһини уһун эрэйгэ тэбэрин, дьиэ
кэргэн олоҕун аймыырын өйдүөххэ сөп.

Методист Е. К. Иевлев ырытыытын ааҕыҥ.

Алампа кэпсээнин ис номоҕо

Ыстапаан дьадаҥытын төрдө аҥаардас хаарты эрэ
дуо? Өссө сыныйан көрдөххө, кини майгыта, санаатын

25