Page 23 - Литература 6 кылаас 2 чааhа

Тыыннаах тыл

«Ыстапааны аһынабыт дуу, эбэтэр Ыстапааҥҥа абакка-
рабыт дуу?» диэн тиэмэҕэ диспутта тэрийиҥ.

Тэҥнээн көрүү

1. Кэпсээҥҥэ киирбит уобарастары, персонажтары ба-
рыларын болҕойуҥ, суруйааччы туох сыалтан киллэр-
битин сиһилээн тэтэрээккитигэр сурунуҥ.

2. Алампа кэпсээнигэр кулахыны ойуулааһына туох ис
номохтооҕуй? Ыстапаан уонна кулахы эбэтэр кулахы
уонна Ыстапаан дуу? Айымньы тиэкиһиттэн булан
бэлиэтэниҥ. Суруйбуккутун көрөн олорон, кэккэлэһэ
олорор табаарыскынаан кэпсэтиһиҥ.

3. «… Кини көрдөҕүнэ, толооттор киэҥнэрэ, тииттэр туох
да санаата-оноото суох холку баҕайытык дьирэһэн ту-
раллара үчүгэйэ бэрт этэ» диэн этии Ыстапаан ханнык
ис туругун этэрий? Куоратчыт балаҕаныгар чугаһаа-
таҕын аайы кэмсинэрин, бэйэтиттэн бэйэтэ кэлэнэрин
таһынан өссө ханнык санаалар киирбиттэрэ буолуой?

4. Ыстапаан уонна Даайа уобарастарын тэҥнээн көрүҥ,
бэлиэ тыллары суруйан исхиэмэтэ оҥоруҥ:
уобарас майгыта-сигилитэ;
чугас дьонугар сыһыана;
тулалыыр атын дьоҥҥо сыһыана;
олоҕу көрүүтэ (дьол, дьиэ кэргэн, чугас дьонун ин-
нигэр эппиэтинэс туһунан өйдөбүлэ).

5. Ыстапаан дьадаҥытын төрдө аҥаардас хаарты эрэ
дуо? Кини майгытын, санаатын тускулун сыныйан, төр-
дүс чааска көрүҥ. Ол туохха, ханнык түгэннэргэ көс-
төрүн тиэкистэн булан ааҕыҥ.

23