Page 22 - Литература 6 кылаас 2 чааhа

***
«Бачча сүрэҕиттэн-быарыттан кэмсиммит, курутуйбут,
ытаабыт-соҥообут киһи хаартытын бырахпыт дуо?» диэн,
сураһан иһиттэххэ, куораттан тахсан баран, ситэ биир
ый буолбакка, суос-соҕотох оҕус тыһаҕастааҕын хаартыга
сүүйтэрэн баран: «Кытта төрүөбүт кыдьык буоллаҕа, ону
хайдах гыныллыай», — дии сылдьар сурахтааҕа.

Тылбытын байытабыт

Өйдөммөт тыллары быһаарсыҥ: кулахы ойууна — дьиэ
чөкчөҥөтө, дьиэҕэ үөскүүр үөн; кытарах — быйыл төрөөбө-
төх ынах сүөһү; бургунас — түөрт саастаах ынах сүөһү; ку-
нан — саҥа айааһаммыт эдэр оҕус; атаҕырҕаата — кыайан
утуйбата, уута көттө. Өссө ханнык тылы өйдөөбөтөххүтүн
быһаарсыҥ, тылдьыкка көрүҥ.

? Ыйытыылар уонна сорудахтар

1. Ааптар кэпсээҥҥэ киһи олоҕор баар ханнык кыһарҕан-
нары ойуулаан көрдөрдө?

2. Ыстапааннаах Даайа дьадаҥы олохторун бэлиэлэрэ
ханныктарый?

3. Хаарты Ыстапааҥҥа, кырдьык, «кытта төрүөбүт» кы-
дьыга дуо? Ити дьаллыктан сылтаан туох ыарахаттары
көрсөрүй?

4. Эһиги санааҕытыгар, Ыстапаан дьонугар дурда-хахха
буолар кыахтаах дуо? Тоҕо?

5. Уһун Ыстапаан саал былаатыгар тоҥмут хараҕын уутун
тонуу-тонуу «абаккам, оттон аны оонньооботорбун»
диэн кэмсинии бөҕөтүн кэмсинэр да, син биир оонньоо-
бута эрэ баар. Тоҕо бу дьаллыгын тохтоппотуй, ылла
да быраҕан кэбиспэтий?

6. Айымньыттан киһи ис күүһүн, кыаҕын, майгытын-си-
гилитин үрэйэр ханнык күүстэр баалларын биллигит?
Быыһанар суол баар дии саныыгыт дуо?

22