Page 16 - Литература 6 кылаас 2 чааhа
P. 16
сүүйэн да кэбиһиэм» диэбит санаатын кытта ойон туран,
муостаҕа утуйа сытар дьону быыстарынан хааман, оон-
ньуу олорор дьон остуолларын аттыгар тиийэн, көхсүн
этитэ-этитэ, кылбар-халбар көрбөхтүү турда.
Остуол иннигэр ороҥҥо ырбаахытын нэлэркэйдэм-
мит, харытын ньыппарыммыт, торум курдук бытыктаах,
саас ортолоох киһи сабыс-саҥа хаартынан остуос быһа
олорор, икки өттүгэр икки бөрүкүтэ суох таҥастаах эдэр
дьон туруора олороллор. Тутталларыттан-хапталларыттан
көрдөххө, дьиҥ хаартыһыт киэптээх дьон быһыылаахтар.
«Куораттарын оонньооччулара итинник буолар эбит
буоллаҕа» диэн, быһа олорор киһиттэн сүрдээхтик си-
миттэ санаата.
— Дьиэлээх, ыл эрэ, бу атаспытыгар хаартыта ылан
биэр. Бэрт сытыы сирэйдээх-харахтаах киһи эбиккин
дии, көххө туруорус, — диэтэ остуол аҥаар өттүгэр ту-
руора олорор киһи уонна быһа олорор киһини супту көр-
бөхтөөн кэбистэ. Бааннаах киһи, туох эрэ улахан наада-
лаах суолу оҥорор курдук, киэбирэ туттан, хаартытын
саас-сааһынан ырыта олорон, Ыстапааҥҥа биир холуо-
да хаартыны быраҕан биэрдэ. Уонна аргыый аҕай тутан
олорор хаартытын остуолга ууран баран, остуол анныт-
тан иһиллэн эрэр арыгылаах бытыылканы ылан чааскыга
кутта.
— Мэ эрэ, атаас, маны иһэн кэбис уонна биһигиттэн
куттаныма. Биһиги, атыттар курдук, туох да албыны-көл-
дьүнү билбэт дьоммут, — диэн баран, Ыстапаан туруора-
рын күүппүт киһи быһыытынан, иҥиэттэн кэбистэ.
Ыстапаан урут арыгыны испэт этэ гынан баран, «ба-
ҕар, мантан санаам көтөҕүллэн, ордук сайдан оонньуом»
дии санаан, ылан чааскылаах арыгыны түһэрэн кэбистэ
уонна остуолга сытар хаартыны сулбу тардан ылбытын
бэйэтэ да өйдүөбэккэ хаалла. Соруйан киниэхэ анаммыт
курдук биир иллэҥ олох мас баарыгар олоро түстэ да,
туруоран киирсибитинэн барда.
Өр буолбата, Ыстапаан үс сүүһүн сүүйтэрэн кэбистэ.
Сүрдээхтик хомойдо, кыһыйда уонна саҥата суох хаар-
тытын туппахтыы олордо.
16
