Page 14 - Литература 6 кылаас 2 чааhа

дуо», — диэн, уоһун иһигэр ботугуруу-ботугуруу, тыа дьо-
но түһэр сиригэр барда.

Күн киэһэрдэ. Киэһэриэ суоҕа дуо? Ыстапаан этин
атыылыырыгар төһө өр мачайдана сылдьыбытын бэйэтэ
да билбэккэ хаалла.

Түспүт ыалыгар кини курдук түспүт тыа дьоно элбэх-
тэр этэ да, биирдэстэрин да билбэт, ол да буоллар хай-
дах эрэ уруургуу санаата. Өйүө лэппиэскэтин тобоҕунан
куһуоктаан чэйдээн баран, биир иллэҥ муннугу булан
сытта. Сылайбыта, уута да кэлбитэ бэрт. Суорҕанын иһи-
гэр харчытын тутан көрөн баран, баҕар, утуйбутум кэннэ
уоран ылыахтара диэн сэрэнэн, этин ыксатыгар сыһыары
курданан кэбистэ. Атыттар эмиэ муостаҕа сылбах кур-
дук сыттылар да, муннуларын тыаһа баччыгынаабытынан
барда.

Ыстапаан тоҕо эрэ уута кэлбэтэ. Дьэ ол сытан санаа
бөҕөҕө түстэ. Сарсын тугу-тугу атыылаһарын, бытархай
иэһин төлүүрүгэр, тардыытыгар төһө харчыны ордорон
таһаарарын, ойоҕор, оҕолоругар ырбаахы таҥаһыгар хай-
дах дьүһүннээх хас арсыын сиидэһи ыллаҕына сөп буо-
ларын кыайан ааҕан таһаарбата. «Даайабыттан ыйытан
кэлиминэбин, ээ, арба даҕаны, иһэрдэрбэр биир эмэ
иһит арыгыны ылларбын үчүгэй буолсу. Даайабар, оҕо-
лорбор ырбаахы таҥаһа таһаардахпына, төһө эрэ үөр-
сээхтииллэр» дии санаан баран, иһигэр үөрэн, мичик
гына күллэ. Ол да гыннар арааһы ылыах курдук санаата
да, өйө ситэн кыайан быһаарбакка эрэ, быһа сүүрдэн:
«Чэ, үчүгэй да буолсу» дии санаан кэбистэ. Ити да са-
нааттан аралдьыйан уута көппүтэ буолуо.

Өлүү болдьохтоох диэбиккэ дылы, кини чугаһынааҕы
хоско киэһэни быһа ханнык эрэ дьон хаартылыыр тыас-
тара иһиллэр. «Мин букатын оонньуом суоҕа» диэн,
бөҕөргөнө санаата. Ол да буоллар санаата биллэрбэт,
сотору-сотору суорҕанын быыһынан хаартыһыттары кө-
рөрө, хабыс-хараҥа сиргэ сытан, анараа хоско остуолга
умайа турар чүмэчи сырдыгар кыһайан көрдөҕүнэ, хас да
киһи остуолу тула олорон, сотору буола-буола, хаарты-

14