Page 13 - Литература 6 кылаас 2 чааhа

да кири-хаҕы сыһыарыа суох курдук, килбэчиһэн тураллара
көрүөххэ олус үчүгэй. Маннык буоллун диэн ким санаа бу-
лан оҥорбута буолуой? Куорат киһилиин-сүөһүлүүн, дьиэ-
лэрдиин барылара эмискэ биирдэ сиртэн дуу, хантан эрэ
үүнэн тахсыбыт курдук саныы биэрдэ. Күһүҥҥү Миитэрэ-
йэп саҕанааҕы күн, кылбайа ойон тахсан, дьиэ түннүктэ-
ригэр тыкпыта, уулусса устун сыыйа көрдөххө, күндээрэн,
чаҕылыйан, кырдьык даҕаны үчүгэйгэ дылы этэ. «Биһиги
дойдубутунааҕар бу дойду күннүүн үчүгэйгэ дылы ээ, мэк-
тиэтигэр, итиигэ дылы» дии саныы-саныы ааһан истэ.

Ыстапаан бэйэтэ даҕаны чэпчииргэ дылы гынна, бас-
таан тоҥмута, аччык буолта ааһан, хайдах эрэ аар-
маар курдук буолан хаалла, оҕуһа түүнү быһа айаннаан,
чоҥкуйа кырыаран баран, нэһиилэ сыылан испитэ эмиэ
сэргэхсийэн, түргэтииргэ дылы гынна.

«Оок-сиэ! Оҕуһум биһиги куһаҕан да эбиппит, бу дой-
ду тоҕо баҕас үчүгэйэй, хаарыаны, манна олорбут киһи»
диэн саныы истэ.

Ыстапаан баһаарга чугаһаан истэҕин аайы сыарҕа-
тын тула төһө эмэ киһи муста сылдьаннар: «Атаас, эк-
кин атыылаа, хастыыный?» — дэһэ-дэһэлэр, Ыстапааны
илин-арҕаа ыыппакка кутугунаттылар, онтон кимиэхэ да
хастыы да сыаналаан биэрэрин быһаарбат буолуор диэ-
ри түҥ-таҥ барда. «Тоҕо сүрдээҕэй, күтүрдэр аны был-
дьаан ылыахтара» диэн иһигэр куттана санаата. Ол ай-
мана сылдьан, биир киһиэхэ этин сүүрбэ биэс сүүһү кыт-
та аҕыйах бытархай харчыга атыылаата. Харчытын тутан
баран, уҥуоҕа босхо барыар диэри үөрээхтээтэ. Үөрүөн
да үөрэр, сааһын тухары бачча харчыны бас билэн, бэ-
йэм киэнэ диэн тута илигэ. Арай биирдэ маҥнай оҕон-
ньорго бэдэрээккэ киирэригэр 15 сүүһү уу харчынан ыл-
быта. Онно оҕонньор харчытын ааҕан биэрэ-биэрэ: «Хор,
бу уолбар соруйан, ыраас харчынан биэрэбин, маны са-
ныаҥ», — диэбитэ.

Билигин ылбыт харчыта барыта сабыс-саҥа үстүү-
лээх, солкуобайдыылаах буолан элбэҕэ, үчүгэйэ да олус
этэ. Ол иһин: «Бургунаһым барахсан үчүгэйэ дэлэтэ

13