Page 35 - Литература 7 кылаас 2 чааhа

иҥнэҥнэтэн көрөн баран, сэлиэнэйигэр олоччу таҥнары ту-
тан кэбистэ. Эмп, үөрбүт-көппүт курдук, кылдьыгыраата, кыһыл
арыгы курдук, кылбаҥнаата, сыта дьар гына саба биэрдэ.

— Аата, кинини бодьуустаһан. Тиийэр буоллаҕына, сотору
тиийдин. Мин бэйэм эмтиэкэбин! — диэн баран, Макаар сэ-
лиэнэйдээх эмин соҕотохто кэҕис гыннаран кэбистэ...

Дьэ доҕоор, аҕыйах чаас гынан баран, Макаар иһэ икки хара
тыа саҕа сараччы үллэн тахсыбат дуо! Дьоллооҕуҥ кыранан то-
лунна — барбах бу түүнү быһа дьаам эрэ сүүрдэн таҕыста...

Кырдьыга, атаҕын тэҥниэх киһини сарсыҥҥытыгар луохтуур
кэлэн өрүһүйдэ.

? Ыйытыылар уонна сорудахтар

1. «Балаҕан баһылыга, алаас ытык иччитэ, арҕахтаах эһэ
бэйэтэ тахсан сылдьарын курдук оҕонньор» ааптар этии-
тигэр олоҕуран, Макаар кимин-тугун быһаарыҥ.

2. Кини тоҕо «бэйэм эмтиэкэбин» дэнэрий?
3. Онтон «Аар-маар, килээ-халаа буолан, аҕыстан тураахтаа-

та эбээ кини киһи» этиини эһиги хайдах өйдөөтүгүт?
4. Макаар итинник быһыытын-майгытын төрүөтэ тугуй?
5. Бу курдук быһылааҥҥа түбэспит дьону билэҕит дуо? Би-

лиҥҥи олоххо бу курдук түгэннэр бааллар дуо?
6. «Дьиэтин аанын аһаат, баһылыгын, бардамын көрдөрөн

баргыытаабытынан барда. Дьыбарданна» диэн этиинэн су-
руйааччы туох санааны этэрий?
5. Ааптар кэпсээҥҥэ ханнык уус-уран ньымалары туттарый?
6. Бу кэпсээҥҥэ киһи туохтан ордук кэлэйиэн эбэтэр хомойуон
сөбүй?
7. Эһиги санааҕытыгар, айымньыга кимнээх, тоҕо күлүллэл-
лэрий?

Тыыннаах тыл

Айымньынан инсценировката оҥоруҥ, кыра кылаас оҕоло-
ругар, төрөппүттэргитигэр оонньоон көрдөрүҥ.

35