Page 39 - Литература 7 кылаас 2 чааhа
P. 39
айдаан бөҕө буолла ээ. Били эрэйдээх өй-мэйдээх тулуйба-
тынан сарылаата, ытаата. Доҕоро тула көттө, муннуттан кэлэн
сыллаан көрдө, кутуругун хороҥнотто да, тугу да туһалаабата.
Биирдэрэ хараҕыттан уу хаар баһа-баһа ытаата. Бу курдук сар-
сыарданы быһа мөхсөн баран, ыт оҕото өлөн хаалла. Доҕоро,
биирдэрэ өлбүтүн эрэ кэннэ барда, кутуругун аллара туттан
баран, туора хаамта уонна хоройон олорон өр улуйда.
Бу сарсыарда кыраһа хаар түспүтэ.
Саһаан хаар көмнөҕүн анныгар саспыта. Курдаттыы көстөр
улахан колхоһа аанньа көстүбэт буолта. Ыт оҕото эмиэ хаары
бүрүнэн баран тоҥон токуллан сыппыта.
Совет председателигэр кабинет хоһо быһыллар, дьиэлэригэр
ремонт барар буолан, ыалга көспүттэрэ. Чугастыы Ачаа дьиэти-
гэр барбыттара. Ачаа Советын «маспар көмөлөһөр буоллаххыты-
на» диэн киллэрбитэ. Онуоха председатель Ачааҕа остуорастыы-
рыгар уонна дьиэтин куортамыгар биир саһааны биэриэх буолта.
Күннэр-түүннэр, уорҕалара-өрөҕөлөрө солбуһа туттаҥнаан,
көтөн аастылар. Аан туманнаах ахсынньы аһара баттанна. Тоҥ-
соҕой торулуур тоҥ болуо тыыннаах тохсунньу үүннэ. Совет
саҥа кабинета оҥоһуллан, урукку дьиэтигэр көстө.
Ачаа саһаанын тымныы ыйга ылыах буолбута. Онон сар-
сын-өйүүн барыам дии сылдьыбыта. Ол гынан баран, сискэ киһи
кэрпит маһын тардан тиэйэ сылдьан, халты тэбинэн, атаҕын
силгэтин ууннаран, үктэммэт буолан хаалта. Инньэ гынан дьиэ-
тигэр лип сыппыта үс хонно. Отун киһини соруйан тиэйтэрэрэ,
ойбонун ойоҕо алларара. Ото аччаан баарта, ойбоно тоҥон ис-
питэ, оттон кыс маһа букатын эстибитэ. Онон Советтан ылар
маһын тиэйтэрэргэ санаа була сыппыта. Олоччу биирдэ тиэй-
тэрэн аҕалаары, Степаннаахха, Михаиллаахха уолун ыытан, икки
оҕуһу уларсыбыта. Онон бэйэтин оҕуһунуун үс оҕус буолта. Бу
үс оҕуһу биэрэн, Дьөгүөссэни соруйан, Советтан саһаанын тиэй-
тэрэ ыытан баран, бүгүн кэтэһэ сыппыта.
Кэтэспит иһин, уот сууламмытын иһин, Дьөгүөссэ тоҕо эрэ
кэлэн биэрбэтэҕэ. Барбах, ыкса киэһэ соҕурууттан биир оҕус-
таах киһи аалларан иһэрин дьиэлээхтэр көрбүттэрэ. «Атын
киһи буолуо — биһиги киһибит оҕуһа үс буолуо этэ», — диэн
бараннар, күүппэккэ киэһэ чэйдэрин иһэ олоорторо. Ол олор-
39
