Page 41 - Литература 7 кылаас 2 чааhа

да үтүөрбэтэ. Ыксал буолла. Инньэ гынан Ачаа уолун оҕус-
таан эмиэ Дьөгүөссэҕэ ыытта: «Маһым тобоҕун тиэйэн аҕал-
лын», — диэн.

Уол боотонон барарын аҕай кытта, Дьөгүөссэ бэйэтэ көтөн
түстэ.

— Хайа, доҕоор, маспыт бүттэ дии. Үнүрүүн биир эрэ сыар-
ҕаны ыыппыт этиҥ. Саһаан мас үс сыарҕа буолуохтаах буолбат
дуо? Оттон иккитэ? Билигин аҕаллыҥ дуу? — диэтэ Ачаа оро-
нуттан туран.

— Суох, доҕор, мас аҕалбатым. Мас ыларыҥ бүппүт курдук
эппиттэрэ дии.

— Ноо, ол хайдах? Ол биир саһаан маһы биир сыарҕанан
бүтэрэллэр үһү дуо?

— Бүтэрэллэр үһү.
— Туох да, доҕоор? Ол туох хара албын дьоной? — диэн
баран, Ачаа, атаҕа ыалдьыбатын курдук, ойон турда. — Эбэтэр
күлүү гынан кэпсиигин дуу?
— Суох, доҕоор, күлбэппин. Эмиэ тоҕо күллэмий? Миэхэ
мээрэйдээх биир саһаан диэн ыйан биэртэрэ. Онтукалара ити
биир эрэ сыарҕа буолта, мин кинини хайаабатаҕым даҕаны,
өссө эбиитигэр ыттаах этэ.
— Ыттаах... Мээрэйдээх... Туох хара албыны кэпсиигин до-
ҕоор, ким итэҕэйиэн.
— Хата, дьэ, чахчы, доҕоор, чахчы. Сымыйа диэтэргин, пред-
седатель бэйэҥ саһааныҥ курдук эппитэ, үүт омуһаҕын үрдүгэр
турар саһаан этэ.
— Үүт омуһаҕын үрдүгэр дээ? О, сор эбит! — диэн ба-
ран, Ачаа ах барда уонна көхсүн иһигэр: «Бэйэм саһааным
сатана эбит», — диэтэ. Онтон сирэйин киэбэ уларыйан барда.
Мэрбэҥнии-мэрбэҥнии: «Урут албына суох, көнө киһи — акаа-
ры, оттон албын киһи — өйдөөх аатырара. Аны баара... саа-
тар атаҕым ыалдьыбат буоллаҕа дуу», — диэхтээтэ. Абатыттан,
кыһыытыттан хараҕын уута субурус гына түстэ.
Ачаа ытаата, ынчыктаата...
Улахан киһи ытыырын, хараҕын уута имин устун чоккураан
түһэрин көрөргө куһаҕана сүрдээх этэ...

41