Page 45 - Литература 7 кылаас 2 чааhа
P. 45
луоҕа. Ол сиэмэ иһигэр ханан сылдьара буолуой хатыҥ сэ-
бирдэхтэрэ биир тэҥ буолар «сокуоннара»?
Хатыҥ!..
Бу хатыҥ киһиэхэ үгүс туһаны биэрэр. Кини силиһиттэн
сэбирдэҕэр тиийэ туһалаах. Бу симэһинэ солотуухаҕа уонна
сыыҥкаҕа эмтээх буолар үһү. Бу мас барахсан араас дьиэ сэбэ
буолар уонна уокка оттуллан сылааһы биэрэр туһатын ким ба-
рыта билэр. Туоһа эҥин бэйэлээх иһит, муҥхаҕа, илимҥэ хо-
тоҕос буолар. Кини силиһин, мутугун уонна туоһун бүтэйдии
күҥкүтэн буһаран, уксуснай кислотаны итиэннэ дьүөкэти эмиэ
ылаллар. Ол дьүөкэт эмкэ даҕаны, техникаҕа даҕаны туттуллар.
Хатыҥ лабаата былах буолан сүөһү аһылыгар эмиэ барар. Ки-
нинэн миинньик эмиэ оҥоһуллар. Сэбирдэҕин оргуттахха, он-
тон киһини тиритиннэрэр эмп эмиэ тахсар. Саҥардыы үүнэн
эрэр сэбирдэҕин симэһинин квасцыга былаатахха, бэртээхэй
диэн мутукча күөҕэ өҥнөөх кырааска тахсар. Аны ону миэлгэ
былаатахха, араҕас кырааска буолар. Хатыҥ мас курунньугут-
тан кинигэ бэчээттииргэ туттуллар хара кырааска оҥоһуллар.
Маһын бүтэйдии уматтахха кини көмөрүнэн художниктар, ха-
рандаас курдук, уруһуйдууллар. Туорааҕын испииргэ көөнньө-
рөн сорох сирдэргэ бааһырыыга эмп гынан тутталлар. Хатыҥ
туоһугар үүнэр ыт мунна диэнинэн сахалар саарыны кырааска-
лыыллар. Оттон кини силиһин төрдүгэр үүнэр удьурҕай бэрт
сыаналаах күндү маһынан ааҕыллар. Сахалар хайдыбатын,
дьүһүнэ үчүгэйин иһин ол удьурҕайынан быһах уга оностоллор.
Аһаҕас сиргэ үүммүт хатыҥы куруутун тыал мускуйар буолан,
кини төрдүн сааһа эриллэн, долгуннанан хаалар. Ол аата бу-
рулуус диэн буолар. Бу бурулуус бөҕөтө да, дьүһүнэ да эмиэ
бэрт буолар. Оннук бурулууһунан дьон ыҥыыр сирэйэ, саа
маһа оҥостоллор...
Биир мас! Оттон туһата төһө эмэ элбэх.
Ытаама, хатыҥ, үүн, кэй!..
Бэйи эрэ!.. Тыас баар! Бу ойуур иһигэр ким эрэ тибийэр,
хаһар. Ким манна кэлэн тугу хаһар буоллаҕай? Баҕар, аны эһэ
дуу? Ол эрээри туох эһэтэ кэллэҕэй. Бука, моҕотой хороонун
хата, ыт хаһа турара буолуоҕа. Оттон бэйэтэ тоҕо эрэ көстүбэт
дии. Туох дьиктитэй?..
Мин чугаһаан истим. Көөртүм, ойуур ортотугар олорор ула-
45
