Page 46 - Литература 7 кылаас 2 чааhа
P. 46
хан төҥүргэс кэннигэр ким эрэ үллэрэҥниир. Бэйэтэ соччо
улахана суох, кыра быһыылаах. Арай төҥүргэһим төрдүттэн
туох эрэ хара көтөн күлүбүрээн таҕыста. Тахсан, «тинь» дии-
дии, ол курдук турар тииккэ хап гына хатана түстэ. Өйдөөн
көөртүм, кыһыл халпаахтаах хара киргил баҕайы эбит. Төҥүр-
гэскэ тиийбитим, кини силиһэ төһө эмэ дириҥник дьөлө хаһыл-
лан, сыыһа-бөҕө ыраахха диэри тибиллэн кытара сытар. Мин
өр сыл билбэтэх таабырыммын, маны эрэ көрөн баран, дьэ
таайдым. Кыһын тыаҕа сырыттахха бу курдук төҥүргэс төрдө
хаардыын, силистиин хаһыллан хаалан, төһө эмэ ыраахха диэ-
ри тибиллэн сытар буолара. Оттон суол-иис диэн букатын мэ-
лигир буолааччы. Ким хантан кэлэн хаспытын кыайан быһааран
билбэккэбин, ону таайа сатаан, мин бэркэ эрэйдэнэр буо-
ларым.
Мантан көрдөххө, ити киргил хаһар эбит. Миэхэ хата биир
билии эбиллэн, биир таабырын таайылынна!
Мин арыы тыам уҥуоргу саҕатыгар таҕыстым. Бу икки ар-
дыгар саппыкым атахпын аалан киирэн барда. Мин олоро
биэрдим. Сөрөнөхпүн көннөрөөрү, саппыкыбын уһула баттаа-
тым. Ол устарбын аҕай кытта үөһэ диэкиттэн «ку-ку-кээх» диир
сана иһилиннэ. Онтон үрдүбүнээҕи маһым кураанах мутугар
кэҕэ кэлэн олоро биэрдэ. Олороот, кутуругун тиэрэ быраҕан
баран этэн дөйүппүтүнэн барда. Сотору, хантан да кээлтэрэ
биллибэккэ, соҕотохто чоччугунуордар саҥалара чардыргыы
түстүлэр. Мин эргиллэн көрүөм икки ардыгар били чоччугу-
нуордар кэҕэ үрдүгэр улаханнык кыыһырбыт-абарбыт быһыы-
нан сабыта түспүтүнэн бардылар. Бу эрэйдээхтэр бу күтүргэ
улахан өстөөхтөр эбит. Буолумуна даҕаны: кэҕэ күтүр кинилэр
сымыыттарын сиэн баран уйаларыгар бэйэтэ сымыыттаан кэ-
биһэр идэлээх үһү. Чоччугунуордар түспүттэрин кубулуппатах-
тарыгар кэҕэ этэрин ууратан, кинилэри кэтэһэрдии, ах баран
олорбохтоото. Мин эмиэ олордум. Бу икки ардыгар мин сиргэ
ууран олорор сыгынньах атаҕым аһый гына түстэ. Мин онуоха,
саҥа аллайа түһээт, илиибинэн атахпын саба баттаабыппын
бэйэм да билиминэ хааллым. Көөртүм, сүүнэ диэн баҕайы кы-
мырдаҕас кэлэн атахпын ытырбыт эбит. Кинини хайа үөдэнтэн
кэллэ диэн ол-бу диэки көрүөлээбитим, ити курдук ойоҕоспор
баар кыракый ырааһыйа ортотугар кымырдаҕас уйата томто-
46
