Page 43 - Литература 7 кылаас 2 чааhа
P. 43
Ааҕыы, сэһэргэһии
— Туохтан ордук үөрбүттээхпиний? — диэн ыйытыыга, —
айылҕа кэрэ көстүүтүн өйдөөн көрбүппүттэн, — диэхпин сөп.
Букатын кыра сылдьан аан бастаан халлааны өйдөөн көр-
бүтүм. Ып-ыраас, күп-күөх уонна тииттэр бастарыгар сыста турар
этэ. Ол тииттэр бастарыгар ыттан туран көрүөхпүн олус баҕа-
рарым, мэктиэтигэр, эккирээн ылбытым. Онтон өрө көрөн, күнү
өйдөөн күрбүтүм – эчи, сырдыгыын-сырдыгын, сардаҥалаах уота
сытыытыын-сытыытын, хараҕым саатан, ытыспынан саба туттубу-
тум. Онуоха ытыһым эмиэ сандааран, курдаттыы көстөр курдук
буолта. Мантан сүрэҕим тэппитэ, тоҕо эрэ олус үөрбүтүм.
Суорун Омоллоон
Дорообо, төрөөбүт тыам!
(Үөрэнээччи күннүгүттэн)
Дорообо, төрөөбүт тыам! Дорообо, төгүрүк алааһым, эйиэхэ
нөрүөн-нөргүй ииппит уолгуттан!..
Эбээ! Эбэкэчээниэм, көҥүллээ мин сайыҥҥы каникулум
бастакы күнүн, ахтылҕаммын таһааран, олорчу төрөөбүт айыл-
ҕабар аныырбар: алааһым тыатын ии курдук эргийэн, дьиэбэр
киэһэ биирдэ киирэрбэр! Ылабын саабын, рюкзакпын, герба-
рий хомуйар альбоммун, өйүө лэппээскичээммин уонна ыста-
набын!
Эбээ, киэһээҥҥэ диэри!..
Уу, күн барахсан уота тугун сырдыгай, сыралҕанай! Эчи
тугун дэлэгэйэй, күүһэй! Барахсаным көмүс аалыытын курдук
күрүлгэн кыыма үйэлэр тухары саккырыы тохтор да, көҕүрүүр,
мөлтүүр быһыыта биллибэт. Муҥура суох үчүгэй арай кини
баар быһыылаах! Кини суоҕа буоллар, манна куруутун хараҥа
түүн, тоҥ муус буолуо этэ. Оччоҕо биһиги да баар буоларбыт
биллибэт этэ. Кини айымньылаах сардаҥата бу сир ийэни угут-
туур, сырдатар буолан, бу биһиги Ийэ дойдубут ол иһин эгэлгэ
баай, муҥура суох быйаҥнаах, киһи тылынан сатаан хоһуйбат
кэрэ мичил дьүһүннээх буолбат дуо, доҕотторуом?
Көрүҥ, көрүҥ эрэ! Быйыл сайылыкка сир симэҕэ олус да
43
