Page 43 - Литература 9 кылаас 1 чааһа

тын, былыргы сэһэни, ырыаны-тойугу, олоҥхону кыра эр-
дэҕиттэн кэрэхсээн истэрэ, олус үчүгэйдик билэрэ. Кини
саха тылын уһулуччулаах чинчийээччитэ Эдуард Карлович
Пекарскай сорудаҕынан Дьүлэй нэһилиэгин олоҥхоһутут-
тан истибит «Дьулуруйар Ньургун Боотур» олоҥхону өй-
дөөн сылдьарын уонна хас да ырыаны суруйан биэрбит.
К. Г. Оросин суруйбут тиэкиһин Э. К. Пекарскай 1907 сыл-
лаахха Петербурга бэчээттээн таһаарбыта. Олоҥхону Г.У. Эр-
гис сахалыы, нууччалыы тылынан киирии ыстатыйалаан
1947 сыллаахха таһаарбыта.
Бу олоҥхону саха тылын үчүгэйдик билэр турок учуонайа
Мурат Өрсөз уһуннук үөрэтэн, чинчийэн баран, туроктыы
тылбаастаан, 2010 сыллаахха Анкараҕа туспа кинигэнэн
бэчээттэппитэ. Кэрэхсэбиллээҕэ диэн олоҥхону Мурат Өрсөз
саха тылыттан тута (атын тыл нөҥүө буолбакка) тылбаастаа-
быт. Кини: «Түүр омук омук быһыытынан үйэлэр тухары
сайдан кэлбит кистэлэҥэ олоҥхоҕо баар», — диэн суруйар.

АЙАР, АЙЫМНЬЫЛААХ ҮЛЭ

Бэриллибит тиэмэлэртэн талан суругунан үлэни (өйтөн су-
руйуу, иһитиннэрии, дьүһүйүү, эссе киэбинэн, о.д.а.) толо-
руҥ.

1. Дьулуруйар Ньургун Боотур — күн улууһун көмүскээч-
чи, айыы улууһун араҥаччылааччы.

2. Олоҥхо урут уонна билигин.
3. Олоҥхо — өбүгэ төрүппүт кэриэс бэлэҕэ.
4. Олоҥхо — саха омук барҕа баайа.
5. Олоҥхону үйэтитиигэ мин санааларым.
6. Улуу олоҥхоһут К. Г. Оросин (И. Г. Теплоухов, Д. М. Го-

воров, … …) — мин биир дойдулааҕым.

ЛИТЕРАТУРАЛАР АЛТЫҺЫЫЛАРА

Кыргыз норуотун «Манаас» диэн эпоһын сахалыы тылбаа-
һын булан аах. Саха олоҥхотугар маарынныыр уонна ураты-
лаһар түгэнин табан көрөргө дьулус.

43