Page 159 - Литература 10 кылаас 1 чааhа

кулуба солотугар дураһыйар, кулуба күбүрүнээтэр солотугар
тарбачыһар… Дьэ ол курдук үрдээтэр үрдүү туруон баҕарар…
Үрдүк сололоохтон бары куттаналлар, онон дьон бары үрдүк
соло кулуттара. Үсүһүнэн, бэйэ-бэйэҕэ ордугурҕааһын кулут-
тара. Дьадаҥы баайга ордугургуур, мөлтөх күүстээххэ, акаа-
ры өйдөөххө, кырдьаҕас эдэргэ, бүрэ кэрэҕэ ордугургуур. Ити
саамай күүстээх, кытаанах хабала. Ити үс суол хабалаттан
быыһаммыт киһи — көҥүл киһи. Көҥүл киһи — дьоллоох киһи.

— Эн дьоллооххун дуу, сордооххун дуу?
— Ити үс ынырык хабалаттан мин быыһаммытым. Мин — кө­
ҥүл киһибин. Олохпун хараҥа хаайыыга, кытаанах тутууга-ха-
быыга, көскө атаардым да буоллар, мин — көҥүл киһибин. Ол
аата мин дьоллоохпун!
Арыылаах эбэ иччитэ уолун Манчаарыны кытаанахтык ыга
кууста, Манчаары түү курдук чэпчээн хаалла, күн диэки өрө
көтөн барда…
— Оо, Манчаары бараахтаата! — ким эрэ чуумпутук боту-
гураата.

Ыйытыылар уонна сорудахтар

1. Манчаарыга боростуой норуот үтүө сыһыанын көрдөрөр тү­
гэннэри ырытан кэпсэтиһиҥ.

2. «Манчаары ааспат ахтылҕана — төрөөбүт алааһа…» буола­
рын сэһэн ханнык олуктарыгар, хайдах ойууланарын сэ­
һэргэһиҥ.

3. Манчаары «Сир үрдүгэр биир да көҥүл киһи суох. Бука
барылара — кулуттар. Үс ынырык хабала кинилэри кулут
оҥорор» диэн санаатын анаан ырытыһыҥ.

Аах. Бил. Туһан

1. Васильева Д. Е. Айар үлэ аргыстанан, айыы санаа көтөл­
лөнөн… // Чолбон. — 2000.

159