Page 223 - Литература 11 кылаас 1 чааhа

— Хайа, киинэҕэ, театрга төһө сылдьаҕын? — диэн Максим
мэҥиэ быраҕан ыйытта.
Ира холкута олус:
— Суох, мин киинэҕэ, театрга сылдьыбатаҕым ыраатта.
Арай Маша кыыс билиэт ылан «Маннергейм линиятын урус-
халлааһыны» көрбүппүт.
— Ол тоҕо сылдьыбаккын? Киинэҕэ баҕас…
— Мин бу сылдьар сирим ыраах уонна солом да суох. Мин
эн курдук туйгуннук үөрэммэппин, — кыыс эмиэ үөннээхтик,
оонньуулаахтык, уруккутун курдук көрөн ааста. Кырыыстаах
математика кыайда. Ол-бу синус-косинус, аксиома-теорема…
— Мин даҕаны үөрэхпэр холооммун, — диир Ираны арах-
пакка одуулаһар Максим. — Биһиэхэ киинэни босхо көрдөрөл-
лөр, бэйэбит институппутугар икки-үс сеанс субуота ахсын
буолар. Эн «Улахан вальс» диэн киинэни көрбүтүҥ дуо?
— Суох, үчүгэй киинэ дуо? — Ира хараҕа уоттанна.
Максим манна ити Штраус композитор туһунан киинэ бэр-
дин хайгыыбын диэн, ис номоҕун кэпсээтэ, онон Ираны ыҥы-
рарга сылтаҕа бэркэ чугаһыы сылдьыбытын, туһаммата.
Ира суолтан туоруура буолла. Онон үөрэ-көтө эттэ:
— Мин дьиэм кэллэ. Эн олус ыраах хаамтыҥ. Бу киэпкэнэн
тоҥмоккун дуо?
Максим соһуйан хаалла — арахсара буолбут, оттон кини
ыйы-ыйынан ыраламмыт тылларын быыс булан эппэтэ. Ираны
муҥар киинэҕэ ыҥырбата. Аны өтөрүнэн маннык көрсөр бил-
либэт, ким да суох, бүөм түгэни эмиэ абалаахтык куоттарда.
Кини Ираны кытта хаһан киһилии, малтаччы кэпсэтэн, тапта-
лын биллэриэй?!
Саҥата ити да буоллар, атыны ыйытта:
— Ити икки дьиэттэн эйиэнэ хайатай?
Сатаан, бэл, киинэҕэ ыҥырбатах, уруккуттан кини иннигэр
муҥутах доҕорун хомойбут сирэйиттэн иһигэр күлэ санаан,
эмиэ да уолга кыратык кыһыйан, бэйэтин көҥүлүн көөчүктээн,
Ира:
— Көрөөр, хайа дьиэҕэ киирэрбин. Покаа, элбэх киинэни
көрөр Максим, — диэт, булгунньах үөһэ турар дьиэтигэр түр-
гэнник таҕыста.
Максим Ира киинэ туһунан тылын иилэ хабан, доҕорун тох-
тотон, өссө кэпсэтэригэр эмиэ кыах баара, «Киинэҕэ барыаҥ
дуо?» диэхтээх этэ. Ити олус боростуой уонна наадалаах, кэс-
киллээх тыллары биһиги киһибит саҥатын таһааран эппэтэ,

223