Page 218 - Литература 11 кылаас 1 чааhа

НИКОЛАЙ АЛЕКСЕЕВИЧ ГАБЫШЕВ
(1922—1991)

Габышев Николай Алексеевич —
кэпсээнньит, драматург, тылбаасчыт.
1922 сыл муус устар 10 күнүгэр
Үөһээ Бүлүү Хомустаах нэһилиэгэр
төрөөбүтэ. Бииргэ үөскээбит үөлээн­
нээхтэрэ Николай кыра эрдэҕиттэн
билиигэ тардыһар, түүннэри кинигэ
ааҕар уолчаан этэ диэн ахталлар эбит.
Дьокуускайдааҕы учуутал институтун
бүтэрбит, онтон 1941 сыллаахха 19
саастааҕар Аллайыахаҕа учууталынан
анаммыт. А. М. Горькай аатынан Ли­
тературнай инстутут үрдүкү литера­
турнай куурустарыгар үөрэммит. Өр
сылларга учууталлаа быта уонна суруналыыстаабыта, «Хотугу
сулус» сурунаалга проза салаатын салайбыта.
Үһүс кылааска сылдьан айбыт хоһоонноро оскуола эркин
хаһыатыгар тахсаллар эбит. 1946 сыллаахтан бэчээттэммит.
1947 сыллаахха «Хотугу сулус» альманахха Индигиир өрүскэ
буолбут быһылаан туһунан «Хотугу сэһэн» диэн кэпсээнэ тах­
сыбыта. Бастакы бөдөҥ айымньытын, «Ыраах Амычааҥҥа»
сэһэни, 1951 сыллаахха бэчээттэппитэ.
Кылгас көрдөөх кэпсээннэр уонна сатира кинигэлэрин аап­
тара. «Таптыыр оҕолорум» (1956 с.) уонна «Таптал» (1964 с.)
кэпсээннэр хомуурунньуктарын, «Халыма сибэккилэрэ» сэһэни
(1967 с.) бэчээттэппитэ. Ону тэҥэ «Билэр дьонум» (1958 с.)
сэһэннэр уонна кэпсээннэр хомуурунньуктарын, «Икки дьол»
пьесаны (1960 с.) суруйбута. В. Ажаев «Далеко от Москвы»
диэн арамаанын сахалыы тылбаастаабыта, М. Шатров «Ше­
стое июля», А. Корнейчук «Память сердца» уо.д.а. пьесаларын
тылбаас таабыта.
Саха литературатын оскуолатааҕы бырагыраамаларын,
учуо бунньуктарын уонна хрестоматияларын оҥортообута.

218