Page 117 - Литература 11 кылаас 2 чааhа

5. Бөлөҕүнэн эбэтэр кылааһынан бүттүүн бырайыактаан,
«Дьикти саас» испэктээктэ туруоруҥ.

ЧИНЧИЙЭР ҮЛЭ

Уус­уран литератураны чинчийиилэргэ, кириитиктэр ыста-
тыйаларыгар олоҕуран эрэпэрээттэ, бырайыакта, дакылаатта
суруйарга холонуҥ:
1. Оскуола бастыҥ үөрэнээччитэ Толя Попов уонна орто үөрэ­
нээччи Кеша Попов уобарастарын тэҥнээн чинчийиҥ.
2. Суруйааччы айымньыга бар дьон ытыктыыр, киэн туттар
тыа сирин боростуой үлэһит үтүө дьоно, эдэр ыччата туох
ураты майгылаахтарын, толкуйдаахтарын кимнээх уобарас­
тарынан көрдөрөрүн быһаарыҥ, ырытыҥ, дакаастааҥ.
3. «Дьикти саас» сэһэн прототиптара.

Ааҕыы, сэһэргэһии

ТЫГЫН ДАРХАН

(арамаантан быһа тардыы)
ТОХСУННЬУ ЫЙ КЫҺЫЛ КИЭҺЭТЭ

Тохсунньу ый аам-даам тымныынан будулуйан турара.
Ыыс-быдаан тыыннаах, болуо муус муруннаах, хайыр ойбон
харахтаах, ураа лаҥкыр муостаах, күнү-ыйы бүөлүүр күр муус
көҕүстээх Тымныы Оҕуһа обургу, кини аҕай буолан, Хотугу
Муус Далайтан аарыгыран-айгыстан тахсан хаамыталаан хаа-
чыгыраабыт, сүүрэкэлээн лүһүгүрээбит, муннун бууһурҕаппыт,
айаатаан мэҥийбит, Орто Аан ийэ дойдуну буһурук күдэн тыы-
нынан толорбут саҕа ахан этэ.
Тохсунньу ый кыһыл киэһэтигэр Туймаада эбэ хотун дьоһун
баһылыга Тыгын Дархан багдайбыт бадьыр балаҕаныттан тах-
сан, тус хоту халлаан оройун өҥөйөр Орой Сулус диэки ха-
йыһан баадайан туран, бастаан чигдитигэр чэпчэкилэммитэ.
Ол гынан баран, халлааннаах таҥаратын диэки хантайан ба-
лачча турбахтаабыта.
Ок-сиэ! Бу үктүөтэр өҕүллүбэт, баттаатар маталдьыйбат
Орто Туруу Дьаҕыл дойду барахсан үрүт өттүнэн сабырыйан
турар үс хаттыгастаах өндөл маҥан халлааҥҥа эҥин дьикти
да баар эбээт! Үөһэ үрдүк мэҥэ халлааҥҥа эҥин-эҥин кыһыл,

117