Page 5 - Литература 11 кылаас 2 чааhа
P. 5
Дьиппиэр, чуумпу музейдарга
Бронзаттан кутуллан,
Мыраамартан чочуллан.
Кинилэргэ анананнар
Суруллубуттар халыҥ томнар…
Оттон мин көлүөнэбэр
Тура илик пааматынньык,
Албан аат үллэһигэр
Үтүрүһэр сэмэйдик.
Кини миэхэ ордук чугас,
Билэбин кини ыраас,
Кэнэн баҕа санааларын,
Быстах да алҕастарын…
Үпкэ, албан да аакка
Кыратык да ымсыырбакка
Киниэхэ бу туруорабын
Сүрэҕим пааматынньыгын.
МАҤНАЙГЫ ЫРЫАТА
1
Саҕахтан күн тахсан эрэр.
Эҕэрдэлэн, саҥа күн!
Ким дьолугар, кэскилигэр
Сандаарбытыҥ буолуой бүгүн?
Охтуор диэри вальстаан,
Оскуола биэчэриттэн
Дьиэтигэр төннөн иһэн,
Элбэҕи саныыр уолчаан.
Куустуспакка судургутук
Доҕотторо тарҕастылар,
Бэйиэмэҕэ туойар курдук,
Мыраан үөһэ оргуйар
Көмүс кутаа оттубатылар.
2
Судургу «А» букваттан
Эрэдэһиннээх формулаҕа
Уон сыллаах көхтөөх айан
Ити аата, бараннаҕа.
Оскуола тиэргэниттэн
Күөх ыллыктар сыыйыллаллар,
5
