Page 13 - Литература 6 кылаас 1 чааhа

эмиэ туох да икки атахтаах иннин быһа барбат киһитэ
буолбут.

Онон хол дойдуга холооннооҕун булан холоһумуна,
улуу дойдуга утарылаһары булан охсуһумуна, күннээн-
күөттээн сылдьан, дьэ бу Майаҕатта албан аатын ис-
тэн, алдьатан, аатын ылан киирээри, үтү³ аатын истэн,
өлөрөн, өрөгөйүн ылан киирээри, ол Хаҥыл Хара атын
миинэн, өлөрсүүгэ үчүгэй сэптэрин сэбилэнэн тахсыбыт.
Дьэ били Майаҕатта олорор сиригэр, Кыыс Хаҥа иһи-
гэр, кэлэн киирбитэ, өлүү болдьохтоох, үлүгэр быалаах
диэбит курдук, арай сүрдээх улахан муҥур тиит саҕа
үрдүк, сыарҕалаах от курдук улахан кэтит көҕүстээх киһи
сүрдээх улахан тымтайы сүгэн баран, сыһыыны ортоту-
нан хааман бэрийэн эрэрин көрбүт. Хардаҕастай Бэргэн:
«Аата, баҕайы, тоҕо баҕас улаханай, бу улаханын көрө-
көрө, күүстээх буолуо диэн куттанан, аатырдар эбит
буоллахтара уонна хайа, кини, тыа мөкү киһитэ, туох бө-
рүкү үһүө, охсуһан эрэйдэниэхтээҕэр, баран ат күөнүнэн
түҥнэри көтүтэн ааһыахха, оччоҕо, атын улуус ааттаахта-
ра «Хардаҕастай Бэргэн обургу Майаҕатта бөҕөнү суолга
баҕа курдук дэлби үктэтэн ааспыт үһү» диэн кэпсэттэхтэ-
ринэ, мин диэтэх киһи аатым олус да арбаныах этэ» дии
санаат, Хаҥыл Хара атын күүскэ кымньыылаан баран, тэ-
һиинин били баран эрэр киһи диэки салайбыта, ат, баар-
суох күүһүнэн ыстанан тиийэн, күөнүнэн киһини көхсү-
гэр түспүт. Онуоха Майаҕатта сүһүөҕэ да бокус гынан
хамсаан көрбөтөх, аттаах киһини илиитин таһынан илгэн
кээспитэ — ата туспа, киһитэ туспа тас уорҕаларынан
барбыттар. Майаҕатта, ол гынан баран кэннин хайыһан
кинини кытары кэпсэтэ барбатах, биитэр үрдүбэр түстүҥ
диэн өһүөннээн өлөрө барбатах, баран иһэр суолун устун
бара турбут. Хардаҕастай Бэргэн дьулу да дьулайбыт,
бэри да бэркиһээбит, кыһыы бөҕөнү кыһыйбыт, аба бө-
ҕөнү абарбыт, ол гынан баран хайдах да утарылаһан,
охсуһан уйадытарын булбатах.

Хардаҕастай Бэргэн, аҕатыгар Дыгын оҕонньорго
киирэн, дьэ көрбөтөхпүн көрдүм, истибэтэхпин иһиттим,
икки атахтаахтан эҥин, кэпсииртэн кэрэгэй киһи эбит

13