Page 16 - Литература 6 кылаас 1 чааhа

саатын туппутунан, супту хааман суодайан иһэр. Ону кө-
рөөт, Дыгын оҕонньор бирикээһинэн дьиэ аанын аһан,
олбох ууран тоһуйбуттар. Майаҕатта, ураһа иһигэр кии-
рэн баран, били кинилэр дүлүҥ олох маска уурбут ол-
бохторугар олорботох, батыйатын сиргэ таҥнары ан-
ньан баран, ол угун үрдүгэр олорбут. Дыгын уолаттара,
бөҕөстөрө, кырдьык, сонун тэллэҕэ сиргэ налыйбытыт-
тан, аттыгар турбута буолан үктээбиттэр, чорооҥҥо би-
ли кыллаах кымыс бэлэмнэнэн турарын аҕалан көтөхтө-
рөн кэбиспиттэрин, Майаҕатта, ымсыырбыт курдук ылан
омурдуталаан, арыылары, кыллары уулаан, көхсүн тыаһа
тиҥиргээн эрдэҕинэ, Хардаҕастай Бэргэн кэнниттэн кэ-
лэн, сытыы кылыс батыйатынан, моонньун хаба ортотун
көрөн баран, туора дайбаан кууһуннарбыт.

Майаҕатта били икки ардыгар, улахан чороонноох кы-
мыһын иһэн бүтэрэн эрэрин кубулуппакка, аллара хаптас
гынан биэрбит. Онуоха Хардаҕастай Бэргэн өрүһүнэн,
төхтүрүйэн төбөтүн сиигинэн түбэһэр гына, үөһэттэн таҥ-
нары дайбаан түһэрбит. Майаҕатта хайыы-үйэҕэ халба-
рыс гынан биэрбит. Ол икки ардыгар чороонун кураа-
нахтаан чугас турар киһиэхэ туттарбыт.

Уонна сиргэ таҥнары аспыт батыйатын сулбу тардан
ылбыт. Хардаҕастай Бэргэн диэки утары көрөн баран эп-
пит: «Дьэ эһиги миигин өлөрөөрү үрүҥ тыыммар өстөнөн,
хааллараары хара тыыммар хараастан кэлбит дьон эбик-
кит. Ол буоллаҕына, үгүстэн үгүс охтуоҕа — өлөрсөн
да көрүөх, аҕыйахтан аҕыйах охтуоҕа — алдьатыһан да
көрүөх, кырыктаах үҥүү кыайыыта биллин, суубулаан ба-
тас соргута биллин», — диэбит.

Онуоха Дыгын бөҕөстөрүн бэртэрэ биллэриккэ түс-
пүт, үтүөлэрэ үгэххэ түспүт, талыылара таһырдьа ыстам-
мыт, быһыйдара мыраан диэки былдьаспыт. Ол икки
ардыгар Дыгын кырдьаҕас туран, сүһүөҕүнэн сүгүрүйэ,
хоолдьугунан хоҥкуйа, ааттаһа, көрдөһө турбут: «Үтүө
быраатым, үөскүүр ыччатым, Майаҕатта Бөҕө, тохтоо,
болҕой, кыыһырбыккын кыраайга кыйдаа, уордайбыккын
омукка уһуутаа. Мин эйигин өлөрөөрү үрүҥ тыыҥҥар өс-
төнөн кэлбэтэҕим, хааллараары хара тыыҥҥар хараас-

16