Page 19 - Литература 6 кылаас 1 чааhа

пэтэҕэ диэрэй, онон кини киһитин бэлэмнэннин диэбит.
Дыгын күөн көрсүүтүгэр Майаҕаттаны ыҥыртарбыт.

Илдьит тиийэн, этэн баран эппиэтин истээри, тоҥ
күөс быстыҥар тохтоон, иһиллээн турбут. Майаҕатта
толкуйданар киһи быһыытынан өр тохтоон сытан баран
эппит: «Ол аҕаҕар, Дыгын кырдьаҕаска, киирэҥҥин эт:
мин улуус улахаттарын кытары оонньоон уохтарын хара-
тыам дии санаабаппын, күдэн күүстээхтэри кытары күр-
сэн күөннэрин ылыам дии санаабаппын, ол эрээри үтүө
убайым үчүгэй тылын ылынан көрүөм буоллаҕа диир диэ,
ол от ыйын уон саҥатыгар кэлэр уруу үс хонук иннинэ
баар буолуо үһү диэ», — диэбит.

Болдьообут күнүгэр, от ыйын сэттэ саҥатыгар, Майа-
ҕатта оҥостон Дыгын дьиэтигэр барбыт. Баһыттан ата-
ҕар диэри сарыы, түнэ таҥастаах, көрөртөн көрө сүөргү
үрдүк, саха көрөрүттэн салаҥ улахан сааны кыбыммыт,
баһаам улахан батыйаны туппут, өрүһүччү улахан үҥүүнү
өрө тайахтаммыт, салаҥ улахан саадаҕы кэппит, куота
улахан кунньалыгы иилиммит киһи, тиҥилэҕин тыаһа
лиһиргээн, уллуҥаҕын тыаһа лоһурҕаан, дьиэ таһыгар
тиийэн кэлбит.

¥с хоммуттарын кэннэ, от ыйын уон хонугар уруулара
кэлбит, биллэ-биллибэт элбэх түҥүр кэлбит, холобура
биллибэт элбэх ходоҕой кэлбит, ахсаана биллибэт эл-
бэх арыалдьыт кэлбит, Бүлүү тоҥуһун бөҕөлөрө, бөтөс-
төрө кэлбиттэр. Бу кэлбит дьон харахтарыгар көрдөр-
бөккө, Майаҕаттаны атын ураһаҕа саһыаран кэбиспиттэр.

Нөҥүө күнүгэр Бүлүү баайа түҥүрүгэр, Дыгын кыр-
дьаҕаска, эппит: «Дьэ, түҥүрүм, Дыгын кырдьаҕас, мин
урут эйиэхэ илдьитинэн эппитим баар этэ, оонньуулаах
дьонноох барыам — оонньуулаах дьонно бэлэмнээтин
диэн, ол быһыытынан мин тустуук киһилээхпин, онно бө-
ҕө киһитэ булан киллэр».

Онуоха туран Дыгын кырдьаҕас утары тыл эппит:
«Дьэ, түҥүрүм кырдьаҕас, эн, кырдьык, илдьитинэн эп-
пити² баар этэ буолан баран, миэхэ кыайан күөн көрсөр
күүстээх киһи суох, аат былдьаһар адьырҕа киһи суох,
далла мэндэйэр табыгас киһи суох, сырсыаҕын сөп сыл-

19