Page 23 - Литература 6 кылаас 1 чааhа

күүр ыччаппар амныа буолуо буоллаҕа. Бэйэ мин кинини
өлбөт гына, түөрт лабаатыттан биирдэрин бааһырдар
гына тутарым сөп буолсу» дии санаан баран, ыһыктан
кэбиспитэ — эрбэҕин тыаһа тас гына түспүт, ох тыаһа
иһиирэ түспүт. Бүлүү киһитэ ох ортобунан кэлиэ диэн
оҥостон турдаҕына, хаҥас буутун таһын быһа сүүрэн аас-
пыт. Киһи, аҥаар атаҕа суох буолан, ыалдьан ынчыктаан,
уҥа атаҕынан кылыйан кэлбит. Оонньуу бүтэн, бараллара
кэлбитигэр, Дыгын Майаҕаттаҕа махтанан: «Сүүйэн ыл-
быт сүүс сүөһүбүттэн түөрт гыммыт биирдэрин сүүрбэ
биэс сылгыны биэрэбин», — диэбит.

Онно туран Майаҕатта Бэрт Хара маннык тылы эп-
пит: «Үтүө убайым, ытык кырдьаҕаһым, мин эйигиттэн
кэтит сэтии сиэтээри кэлбэтэҕим, уһун үүрбэ үүрээри
оонньооботоҕум, сүөһүнү сөбүлээбэппин, сылгыга сы-
тыырхайбаппын, ынахха ымсыырбаппын. Эйигиттэн киһи
буолар кэскил тэрийээрэй диэн кэтэһэбин, саха буолар
саламтаны салайаарай диэн саныыбын, ити кыыс оҕоҕун
Тыҥаары Куону миэхэ кэккэлэһэ сытар кэскиллээх кэр-
гэҥҥэ, хоонньоһо сытар холоонноох доҕорго холбоон
биэрдэргин сөп буолуо этэ».

Маны Дыгын, истэн баран: «Дьэ, кутукаам, этиэх тылы
эттэҕи², аҥаардас киһи быһыытынан саҥарыах киһи са-
ҥардаҕыҥ буолан баран, мин кыыһым бардам майгын-
наах, өһөс үгэстээх, буолбат муокастаах, эн «бар» диэ-
битиҥ иһин «ээх» диэ суоҕа, «сөп» диэбитиҥ иһин «сүөл»
диэ буоллаҕа, онон арай бэйэҥ кэс тылла кэпсэтэн,
аман өстө амалыһан көрдөҕүҥ», — диэбит.

Били кэпсэтэр тылларын Тыҥаары Куо хайыы-үйэҕэ
хаҥас диэки сылдьан истибит, Бэрт Хара диэки супту
одуулаан туран эппит: «Дьэ мин эйиэхэ күнү көрөн ту-
ран, күөммүн биэрэн, ыйы көрөн туран, ылынан барыам
суоҕа, арай эн сыһыыттан сылгылаан, хонууттан хомуйан,
толоонтон тутан ылыаҥ», — инньэ диэтин кытта дьиэ
аана тэп гынан, халҕан тыаһа хап гынан хаалбыт.

Бэрт Хара кыыс кэнниттэн халты харбаабытынан та-
һырдьа ыстаммыт. Тыҥаары Куо тахсан тус соҕуруу диэ-
ки сүүрэн суһуоҕа хоройо турбут. Бэрт Хара эккирэппит.

23