Page 20 - Литература 6 кылаас 1 чааhа
P. 20
бырҕа киһи суох, онон биһиги, бу дойду дьоно, куһаҕан,
сытыгас, сыылба, мөлтөх, мөдөөт дьоммут. Ол эрээри эн
тылгын тоҕо сиргэ-буорга хаалларыамый, кыайдаххына
даҕаны кыайыах киһи кыайыаҥ, хотуох киһи хотуоҥ буол-
лаҕа. Кэнэҕэски кэлэр кэнчээри ыччат кэпсээн оҥостуо,
үөскүүр ыччат үгэс оҥостуо буоллаҕа».
Били икки ардыгар Майаҕаттаны, туора дьоҥҥо көр-
дөрбөккө, кистии-саба таһаараннар, тобугунан сөһүргэс-
тэтэн туруоран, киэҥ уһун баҕайы хара ыыстаах сарыы-
нан о²оһуллубут сону кэтэппиттэр, бу сон бэйэтиттэн
бэргэһэлээх уонна сирэйэ көстүбэт сабыылаах буолбут.
Маннык таҥаһы таҥнан баран, Майаҕатта тобугунан хаа-
ман, тустар сиригэр кэлбит.
Бүлүү бөҕөтө ол курдук сабыыта суох, эмиэ сүрдээх
улахан уҥуохтаах, күүстээх көрүҥнээх, бөҕө мөссүөннээх
киһи, утары хааман даадаҥнаан киирбит да, ыстанан кэ-
лэн киһитин үрдүгэр түспүт, тарбахтарын тыаһа лачыгы-
рыы түспүт да, Майаҕатта анараа киһини соҕотохто өрө
баһан ылбыт уонна төбөтүн оройунан эһэн кэбиспитэ,
20
