Page 17 - Литература 6 кылаас 1 чааhа

тан кэлбэтэҕим, үтүө дьүһүҥҥүн көрөөрү, кэрэ тылгын
кэпсэтээри кэлбитим. Ити уйгуга үөскээбит оҕо оон-
ньообута олус холуон, үүккэ үөскээбит оҕо үтэн-анньан
көрүөх буолта үлүгэри оҥоро сыста. Онон мэниги кыта-
ры мэккиһимэ, акаарыны кытта аахсыма, кырдьык даҕа-
ны, сураххын истэн баран, ханныгы эмэ хайгыыллара
буолуо, оччугуйу эмэ даҕаны сураҕырдаллара буолуо,
майгытыттан барҕалаан, барбах киһи буоллаҕына, баҕар,
малытан да кэбиһиэм дии санаабытым, кырдьык. Он-
тукам баара, үтү³ дьүһүҥҥүн көрөммүн үөрдүм, бэркин
билэммин биһирээтим, бу маннык киһи хайаан даҕаны
Одун Хаантан оҥоһуулаах, Чыҥыс Хаантан дьылҕалаах,
улууһу ууһатар, нэһилиэги тэнитэр кэскиллээх киһи буо-
луоҥ. Аны эн диэки илиибин көтөхпөт эбээһинэһи биэ-
рэбин, онон эн биһикки аны хара күлүкпүтүн быһа хаам-
сыахпыт суоҕа, аҕалыы-уоллуу, ини-бии курдук буолуох,
атын сиртэн алдьархай бөҕөтө ааҥныыра кэллэҕинэ,
атаарҕаһар буолуохпут, кырыы сиргэ кыайтарарбыт кэл-
лэҕинэ, кыһансар буолуохпут, олор, уурай: амтаннаах
аста аһаа, кэскиллээх тылла кэпсэтиэх, оҕо киһи быһыы-
тынан оонньоон көрдөр, эдэр киһи быһыытынан идэҕин
көрдөр», — диэн баран, Дыгын Майаҕаттаны уоһуттан
уураабыт, сүүһүттэн сыллаабыт. Майаҕатта, дьэ кырдьык,
уордайбыта уҕарыйан, күүркэйбитэ көнньүөрэн, Дыгын
кырдьаҕаһы кытары уураһан-сыллаһан баран, олбохтоох
ороҥҥо дьэ олорон, амтаннаах аһы дьэ аһаан, кэскил-
лээх тылы дьэ кэпсэппиттэр. Били икки ардыгар, Дыгын
уолаттара көрбүттэрэ: ураһа таһыгар Майаҕатта кураах-
таах саатын өйөннөрөн кэбиспит. Бу сааны көрөн ба-
ран, «маннык саанан хайа да бэйэлээх кыайан тардан
ытыа суох, сааттан атын туспа оҥоһуулаах саа эбит» дии
санаабыттар.

Бу маны кини дьону дьулатаары оҥостон илдьэ сы-
рыттаҕа, оннооҕор биһиги аҕабыт Дыгын саата маннык
буолбатах диэбиттэр. Дьэ Дыгын оҕонньор Майаҕатта
аатыгар дьоһуннаах сылгыны өлөртөрөн, дьоһуннаах иһит
кымыһы туруоран күндүлээбит, аһаппыт-сиэппит. Ол кэн-
ниттэн: «Дьэ, үтүө ыччатым Майаҕатта, миэхэ далла мэн-

17