Page 15 - Литература 6 кылаас 1 чааhа

бутун кэннэ, соно сиргэ сабырыйбытыттан үктээн ту-
руталыахха, кымыһы иһэригэр кыллаах арыыга харан
тумнастарын кытары, батыйалаах киһи кэннигэр туран,
баһын быһа охсон кэбиһэрэ сөп», — диэбиттэр.

Дьэ ол курдук тэриллэн, оҥостон баран, Дыгын икки
уолун Майаҕаттаны ыҥыртара ыыппыт. Били дьон, бэйэ-
тэ дьиэтигэр баар кэмин билэннэр, бэркэ сэрэнэн, Ма-
йаҕатта дьиэтигэр баран киирбиттэр. Кыараҕас туруору
балаҕан иһигэр уҥа, кэтэҕэриин өттүлэригэр иккилии
оронноох, сыбах оһохтоох, туох да үп-ас, таҥас-сап да
суох эбит. Бэйэтэ, урааҥхайтан ордук уһулуччу улахан,
арыы саһыл хааннаах, киэҥ харахтаах, уһун киэҥ түнэ
сонноох киһи, кэтэҕэриин оронугар дыгдаллан олорор,
иннигэр сэбиэ-туос остуолун тардыммыт, сүрдээх бөдөҥ
үөлбүт собону элбэх баҕайыны өрөһөлүү кутунан кэбис-
пит, оргууй аҕай эттээн эрэйдэммэккэ, күөнэҕи сиир
курдук, ыстаабыта буола-буола ыйыста олорор.

Бу ыҥыра кэлбит ыалдьыттар, эҥээрдэрэ илибириэр,
уҥуохтара уйадыйыар, тыллара булдьуйуор диэри кут-
таммыттар. Ол эрээри илдьиттэрин эппиттэр: «Дьэ, то-
йон убайбыат, Майаҕатта, эйиэхэ илдьиккэ кэллибит,
биһиги аар тойон аҕабыт, аар кырдьаҕаспыт, Дыгын
оҕонньор, бу эн аҕыс иилээх-саҕалаах аан ийэ дойдуҥ
арҕаатыгар, эн кэп суоруҥ, кэкэ-малааныҥ кэккэтигэр
кэлэн, тохтоон дугуйданан олорор. Онно эйигин ыҥыр-
тарар: «Үтүө быраатым, үөскүүр ыччатым, бука диэн кэ-
лэн, миэхэ күүлэйдээн, сылдьан, амтаннаах аста аһаан,
кэскиллээх тылла кэпсэтэн бардын диир, сүдү бараан
дьүһүнүн көрдөрдүн, хаан чаҕаан сэбэрэтин харахтаттын
диир», — диэбиттэр. Дьэ Майаҕатта үтүөнү эттигит диэн
үөрбэтэх, куһаҕаны эттигит диэн курутуйбатах, биитэр
кинилэри кытары кэрэхсээн кэпсэтэ барбатах, хайдах
аһаабытын курдук, аһыы олорбут.

Илдьити эппит дьон, иэстэрин төлөөбүт курдук, тах-
сан ураһаларыгар барбыттар. Иккис күнүгэр күн орто-
тун саҕана Дыгын уолаттара көрбүттэрэ: арай Майаҕатта
арҕаа, дьиэтин диэкиттэн, батастаах саадаҕын иилим-
митинэн, кырыктаах үҥүүтүн кыбыммытынан, ньир муос

15