Page 21 - Литература 6 кылаас 1 чааhа

киһи киэнэ икки атаҕа атырдьах салаатын курдук дырай-
бытынан, хаппыт буорга халыҥ куҥунан хам түһэн баран,
хамсалаах табах быстыҥа букатын хамсаабакка сыппыт.

Дыгын кырдьаҕас дьоно, үөрэн хаһыытаһа түһэн ба-
раннар, киһилэрин хаххаларыгар хаайаннар, илдьэ баран
хаалбыттар. Бүлүү дьоно, бөҕөлөрө бүдүрүйбүтүн көрөн
баран, олус абарбыттар, кытаанахтык кыыһырбыттар. Бу
биһиги киһибит үйэлээх сааһыгар өттүгэстээбэтэх киһи
этэ, бу туох үлүгэрдээх киһи түбэһэн кыайдаҕай диэн ба-
ран, иккиһин эппиттэр: «Дьэ биһиги биир суол оонньууга
кыайтарбыппыт иһин, иккис, үһүс төгүлэ билиэҕэ, аны
сырсар киһитэ аҕалыҥ, дьэ ону баҕас кыайдаххытына,
кырдьык, бэйэҕитигэр махтаныаххыт», — диэбиттэр.

Ол икки ардыгар, Дыгын дьоно Майаҕаттаны, били
урукку сарыы сонун кэтэрдэн баран, хаххаларыгар хаа-
йан, көрдөрбөккө ыраах сиргэ илдьэн кэбиспиттэр. Бү-
лүү баайын киһитэ сүрдээх быһый быһыылаах: уһуллаҕас
уҥуохтаах тоҥус киһи туйгун бэрдэ барбыт. Онуоха маҥ-
найгы турууларын көрөргө, ааттаах аттары миинитэлээн,
икки өттүттэн дьоннор барбыттар. Үс көс сиргэ тиийэн
баран, икки сырсар дьон, кэккэлэһэ тураннар илиилэрин
уһугуттан тутуһан баран, түһэн кэбиспиттэр. Били барсы-
быт аттаах дьон аттарын муҥ көтүүтүнэн эккирэтэн көр-
бүттэр да, харахтарыттан сүтэрэн кэбиспиттэр. Сырсар
дьон сир ортотугар диэри тэҥҥэ хары дайбаһан кэлбит-
тэр, онтон ыла Майаҕатта бастаан, атан түһэн барбыт.
Бэтэрээтэх күүтэн турар дьон көрүүтүгэр бастаан биир
сүрдээх улахан, тоҥ харыйа күлүгүн курдук хара сүүрэн
кэлбит, ону көрөн баран Дыгын дьоно, үөрүүлэригэр
үөгүлэһэ түһээт, киһилэрин эмиэ хаххаларыгар хаайан-
нар, ураһаҕа илдьэ баран хаалбыттар.

Ол кэнниттэн Бүлүү дьоно: «Бу сирэйэ-хараҕа көстү-
бэт хара таҥаска хаххаламмыт киһи үөһэттэн түспүт дуу,
аллараттан тахсыбыт дуу, хара киһи дуу, абааһы дуу,
кимий бу?.. Дьэ икки атахтаах истибэтэх Бэрт Харата бу-
лан буулаата», — диэбиттэр. Онтон ыла Майаҕатта аата
уларыйан, үксүн Бэрт Хара аатырбыта үһү.

Дьэ аны туох-ханнык үс төгүллээх, үс түһүлгэлээх буо-

21