Page 24 - Литература 6 кылаас 1 чааhа

Ити курдук кинилэр баһаам ыраахха барбыттар, сын-
ньаммакка сырсыбыттар. Уһугар тиийэн уол киһи ордук
буолбут, кыыс оҕо сыа бэйэтэ сылайбыт, тыҥата улаап-
пыт, хардыыта кыараабыт; киһи тиийэн кыыһы нуолур
солко суһуоҕуттан тутан ылан, тарбаҕар икки-үс төгүл
эрийэ баттаан баран, мөҕүһүннэрбитинэн туора сүгэн
баран, кэлбит суолун устун төттөрү, кыннын Дыгын кыр-
дьаҕас дьиэтигэр таарыйбакка, арҕаа мырааны аннынан,
дьахтарын саҥатынан айдаан бөҕөнү аргыстанан, ытыыр
бөҕөнү ыаһахтанан ааһан бара турбуттар. Дыгын ону
истэн, уолаттарын ыытан илдьиттээбит: «Кыыспын таа-
рытан, таптыыр таҥаһын таҥыннаран, симэҕин-туһаҕын
кэтэрдэн, түҥүрдэрин-ходоҕойдорун илдьэ сүгүннэрэн
бардын», — диэн. Онуоха Бэрт Хара илдьит атын иҥэһэ-
тин чөҥөчөккө кэтэттэрбит уонна кураахтаах саатын аҥа-
тан, кустук оҕун ууран баран, ыһыктан кэбиспитэ, ох кэ-
лэн тимир иҥэһэ көхсүн, тоҥ туос курдук, тобулу түһэн
кэбиспит. «Итини тойон кынныбар, Дыгын кырдьаҕаска,
илдьэн биэриҥ, мин кыыһын илдьэ барбыт бэлиэбин
итинэн биллин. Киһилии кэпсэтэн-саҥаран биэрбэтэҕэ,
сыһыыттан сылгылыырга сыаналаан, хонууттан хомуйар-
га холобурдаан, толоонтон тутарга толкуйдаан биэрбитэ,
ол быһыытынан, толоонтон тутан, булуҥтан булан илдьэ
бардым. Онон уһун үүрбэҕэ умсугуйбаппын, кэтит сэтии-
гэ кэҕэһэрдээбэппин», — диэн баран, хоту Ытык Хайа
анныгар, болуотун тарпыт сиригэр, суодайа турбут.

Били иҥэһэтин аҕалан, Дыгын кырдьаҕаска биэрэн
баран, илдьитин этэн биэрбиттэр. Дыгын кырдьаҕас
дьөлө ыппыт иҥэһэтин көрөн, илдьиттээбит тылын истэн
баран, сүрдээхтик сөбүлээбит: «Мин кыыспын иитиэх-
аһатыах сөптөөх киһи түбэспит», — диэн баран, кэннит-
тэн сотору уһун үүрбэтин үүрдэрбит, кэтит сэтиитин
сиэттэрбит, илгэлээх энньэтин илтэрбит.

24