Page 132 - Литература 7 кылаас 2 чааhа

Ааҕыы, ырытыы

Лоокуут уонна Ньургуһун

Саха былыргы кэпсээннэригэр олоҕуран суруллубут
4 төгүллээх, 8 хартыыналаах лирическэй драма

ООННЬУУР ДЬОНО:

К ү һ э ҥ э й — сири-дойдуну кэрийэн үлэлээн аһаан баран, кыр-
дьан, төрөөбүт буорун булаары төннөн иһэр оҕонньор, үтүө санаалаах.

Л о о к у у т — дьадаҥы киһи оҕото, үчүгэй дьүһүннээх.
Н а р а ҕ а н — кини аҕата, дьадаҥы.
Нь у р г у һ у н — сэниэ ыал кыыһа, кэрэ дьүһүннээх.
Б а һ ы к к а — кини аҕата, Нараҕан ыала да, үөлээннээҕэ да.
Д а л б а р д а а х — кини ийэтэ.
М ө л ч ө с — тулаайах ыччат, ыал хамначчыта.
Н у н н у у р — эмиэ тулаайах, дьадаҥы кыыс.
С э р б э к э — баай, быыпсай кинээс.
М а р дь а а һ а й — кини уола, быстар куһаҕан дьүһүннээх.
О ҕ о н нь о т т о р , э р дь о н , дь а х т а л л а р .
Л о о к у у т у о н н а Н ь у р г у һ у н д о ҕ о т т о р о — уолаттар, кыр-
гыттар.
Оонньуур дьон барыларын таҥастара-саптара былыргылыы буо-
луохтаах.

МАҤНАЙГЫ ТӨГҮЛЭ

1-гы ХАРТЫЫНА

Оҕуруос үрэх кырдала, үс суол түмсэр. Маҥнай сценаҕа уу чуумпу.
Арай сааскы чыычаах ырыата-тойуга улам чугаһаан, улаатан кэлэр.
Онтон сүгэһэрдээх, тайахтаах К ү һ э ҥ э й о ҕ о н н ь о р тиийэн кэлэн,

сири-дойдуну одуулаһар.

Күһэҥэй
Ок-сиэ! Оҕуруос эбэ хотун
Уруккутунан турар эбит ээ.
Биир да саҥа дьиэ тутуллубатах,
Биир да саҥа ыал тахсыбатах.

(Олорон табахтыыр.)

Аа-айа-айа,
Аата, уҥуоҕум-иҥиэҕим ыараатаҕа,

132