Page 136 - Литература 7 кылаас 2 чааhа

Быстыбыты салгыыр,
Тоҥмуту ириэрэр
Үтүө киһи буолаар.
Ойоххор мин махталбын,
Оҕоҕор мин алгыспын биэр.

Лоокуут
Ытык кырдьаҕаас, биэриэм иһин
Миэхэ кэргэн да, оҕо да суох ээ.

Күһэҥэй
Тыый, тоойуом, хайдах оннугуй,
Бу маннык бэйэлээх үтүө ыччат:
Сөптөөх кыыс суох дуу,
Халыымы кыайан булбаккын дуу?

Лоокуут
Харах хатанара,
Сүрэх сөбүлүүрэ
Баарын баар да,
Хайдах эрэ ол курдук…

Күһэҥэй
Хайдах эрэ…
Тоойуом иһит,
Мин эйиэхэ кэпсиим,
Мин эмиэ хаһан эрэ оҕо буолан
Оонньуу-көрүлүү сылдьыбыттааҕым.
Кыыс оҕо көрдөр эрэ
Хараҕа уоттанар,
Хаана оонньуур,
Тыынара тыастанар,
Үөлэн көрүҥнээх,
Үчүгэй дьүһүннээх,
Мин даҕаны хаһан эрэ, —
Уол оҕо чулуута этим.
Сор күүтэрин дуу, дьол күүтэрин дуу
Суоттуу, толкуйдуу барбакка,

136