Page 135 - Литература 7 кылаас 2 чааhа

Лоокуут
Кырдьаҕаас,
Туохха бачча тиэтэйэҕин?
Биһиги мантан бэрт чугаспыт,
Хонон-өрөөн сынньанан ааһыаххын
Хайдах буолуой?

Күһэҥэй
Махтал, үтүө ыччат,
Тиэтэйэбин ээ, бу да буолларбын,
Тиэтэйэбин өлө охсоору…
Айыы-айа!..

Лоокуут
Айан киһитигэр наада буолуо,
Кырдьаҕаас, бу кустары ыл.

Күһэҥэй
Махтал, үтүө ыччат.
Барытын ылбаппын.
Тииһэ-уоһа суох киһиэхэ
Бу биир да сөп буолуо.

Лоокуут
Суох, кырдьаҕаас, ыл,
Мин сарсыарда
Биэс куһу өлөрбүтүм.
Барытын ыл.

Күһэҥэй
Оо, үтүө да сүрэхтээх ыччаккын, —
Киһи-сүөһү төрдө буолуоҥ.
Бултаабыт булду барытын
Бэйэттэн аҕа киһиэхэ
Биэрбэт баҕайы.
Дьол төһөҕө да тобоҕу кытта сылдьааччы,
Биир кускун бэйэҕэр хааллар.
Хойутун хойут даҕаны

135