Page 133 - Литература 7 кылаас 2 чааhа

Төрөөбүт Бүлүүм сирэйин
Көрбөккө өлөөрү гыннаҕым дуу?
Аламай маҥан күнүм
Аҥаардаһыар диэритин
Көһү кыайбат сири хаамаат,
Көппөйө устан хааллаҕым...

(Сытар.)

Сыта түһүүм да дьиппиэрэн,
Сыппытынан утуйан барабын,
Хаһан эрэ, бу курдук сыппытынан,
Сыта барар киһи буолуом ээ.

(Хамсатын уоппутунан утуйан барар.
Чугас саа тыаһыыр. Соһуйан уһуктар.)

Туох тыаһаата дуу,
Түһээтим дуу?

Үс-түөрт кустаах, саалаах талах ойуур иһиттэн Л о о к у у т тахсан
кэлэр.

Лоокуут
Дорообо, кырдьаҕас!

Күһэҥэй
Дорообо, эр бэрдэ.
Уоспун кытта кэпсэтэ сытан
Утуйан бара сыспыппын…
Киһи элбэх эрэйи көрдөҕүнэ,
Кэлин өттө уһаан, иннэ кылгаан истэҕинэ,
Соҕотоҕун сылдьан уоһун кытта
Кэпсэтэр буоллаҕа үһү.
Бу булчут-алчыт,
Үчүгэй сэбэрэлээх
Үтүө ыччат эбиккин.
Ким оҕотоҕун,
Ким диэн этиҥиний?

133