Page 134 - Литература 7 кылаас 2 чааhа

Лоокуут
Оҕуруос эбэ олохтооҕо
Нараҕан оҕонньор оҕотобун,
Лоокуут диэммин.
Эн ким диэн кырдьаҕаскыный?
Хантан ханна айаннаатыҥ?
Кырдьаҕас, хамсаҥ уота умуллубут дуу?
Бэйи, мин уматан биэриим.

Күһэҥэй
Умуллан-умуллан, ооккоом,
Өтөр бэйэм умуллуом.
(Лоокуут оҕонньор хамсатыгар табах симэр, хататын сардырҕаччы

охсон уматар.)

Көҥүл-босхо
Сотобунан-харыбынан оонньуур
Эдэр-сэнэх эрдэхпинэ —
Күһэҥэй диэн ааттааҕым.
Оттон билигин —
«Оҕонньор», «бу оҕонньор» диэнтэн
Атыннык ааттаабаттар.
Дьокуускай куоратынан,
Өлүөхүмэнэн, Маачанан
Эдэр сааспын илдьи сиэлэн баран,
Оҕо сааспын уһааран баран,
Кырдьар бөҕө кырыыһа кыайан,
Сорсуйар бөҕө соро бохсон,
Өлөрүм чугаһаабытын билэн,
Ийэ буорбар уҥуохпун биэрээри
Истэҕим эбээт.
Олордорбун эрэ
Олорон хаалыах курдукпун,
Сыттарбын эрэ
Сытан барыах курдукпун.
Айан киһитэ буоллаҕым дии
Алтахтаан көрүөххэ дуу?!

134