Page 137 - Литература 7 кылаас 2 чааhа

Биир баай ыал кыыһын
Билсэн таптаабытым.
Онтон
Ол кыыспын,
Төрөппүттэрэ булгу баттаан,
Атын киһиэхэ биэрбиттэрэ.
Онтон санаам алдьанан
Атах балай барбытым.
Көччүйүүнү, үөрүүнү
Күлүмүрдүүр көлдьүн ууга көрбүтүм.
Нөрүйэн биэрэн сүнньүнү астарардааҕар,
Тобуктаан биэрэн тоноҕоһу аахтарардааҕар,
Хара дьэбэрэ санаалаах баайдарга
Хаалдьыкпын үүттэтэн хамначчыт буолардааҕар —
Көлдьүн көҥүлү таптаабытым,
Албын дьолу батыспытым.
Хотун ойох хоонньун сылааһын билбэккэ,
Иитэр сүөһү үрүҥ илгэтиттэн сиэбэккэ,
Оттоох ороҥҥо утуйбакка,
Түптээх олоҕу олорбокко,
Үөн курдук, үрүҥ күн сырдыгын батан
Үллэҥнээн-үллэҥнээн баран,
Көйүүр курдук күн сырдыгын батан,
Көппөҥнөөн-көппөҥнөөн баран,
Кэннибэр биир тоһоҕону анньан,
Кэнчээри ыччакка бэлиэ хаалларбакка,
Кырдьыбыт кырыыстаах диэн,
Сорсуйбут сордоох диэн
Мин буолабын.

Лоокуут

Оо, кырдьаҕаас,
Олус да сүрэхпин тыыттыҥ,
Киһи буолуу дуу, кэхтии дуу
Кирбиитигэр турар эбиппин.

Күһэҥэй

Тугуй, ол тоойуом?

137