Page 56 - Литература 9 кылаас 2 чааһа

Тыыннаах тыл

Сахабыт сиригэр саас кэлиитэ өрүү барыбытыгар да үөрүү-
лээх. Эн сааскы айылҕа ханнык көстүүлэрин сөҕө, таптыы
көрөҕүн? Бэйиэт бу строфаларга сааскы айылҕа киһи са-
наатын көтөҕөр, инникигэ эрэллиир түгэннэрин хайдах
тыыннаан хоһуйбутун хараххар ойуулаан көр, кэпсэтиигэ
кыттыс.

Саас буолан, күн уһаан сандааран,
Сүрэхпин үөрүүнэн уоттаата.
...

Сааскы күн көмүстээх сырдыгын
Чаҕыла үрдүбэр тоҕунна.

«Сааскыга» диэн ырыа буолбут хоһооҥҥо Күннүк Уурас-
тыырап үлэһит дьон күннээҕи олоҕун, үлэтин-хамнаһын
хайдах хоһуйбутуй?

Ол кэмниин сэргэстии, даҕаһан,
Бурдукпут ыһыыта буолуоҕа.
Үлэҕэ куотуһан-хатыһан,
Үрдүк күүс күргүөммүт туруоҕа.

Холкуоска — булууктаах, тараахтаах
Уонунан, сүүһүнэн бурҕайыа.
Сеялка, массыына, тыраактар
Оройуон аайытын тарҕаныа.
...

Былааны аһара толорон,
Кэхтибэт кэккэнэн кимиэхпит.
Кэскиллээх олоҕу оҥорон,
Киэҥ дорҕоон хоһуйуом.

Бэйиэт туох санааттан хоһоонун маннык тылларынан түмүк-
тээбитэ буолуой? Сэһэргэһиҥ.

Оччоҕо сэтэрэн тураммын,
Мин эбии ырыанан оргуйуом,
Оһуордаах тыллары буламмын,
Олоҕу ойуулаан хоһуйуом.

56