Page 129 - Литература 10 кылаас 2 чааhа

Куобахха, арҕаа мырааҥҥа тахсаммыт, масчыттарга хо-
нобут, эбэтэр куораттан сүүрбэччэ биэрэстэлээх Сугун күөлгэ
соҕотох ыал баарыгар тиийэн хонобут. Ол ыал биэстээх-ал-
талаах соҕотох уол оҕолоохторо кэтэҕэр, чыычаах кутуругун
курдук, уһун сүүмэх баттахтааҕын мин маҥнайгы киэһэбитигэр
дьиибэргин көрөн баран, саҥарбатым.
Сарсыарда эрдэ ким урут туран уоту отторун дьиэлээхтэр
найылаһан кэпсэттилэр.
— Эр киһи, эн тураҥҥын уоту отун ээ, — диир дьахтар.
— Күнү быһа ыарахан үлэҕэ миккиллэн, сылайара буолуо,
сынньана түстүн диэхтээбэт бэйэккэҥ буоллаҕа, — диир эр
киһи.
Онтон биһиги бэйэбит туран эрдэхпитинэ, кинилэр өрүһүс-
пүт курдук иккиэн тэҥҥэ туран, уоттарын отто оҕустулар.
Күнүс, тыаҕа сынньана олорон, дьиэлээхтэрбит бу сарсыар-
да уот оттор туһунан кэпсэтиилэрин үтүктэ-үтүктэ, күлүстүбүт.
Платон Алексеевич ону сөбүлүү истибэтэ :
— Тымныы дьиэлээх, куһаҕан таҥастаах дьон сарсыарда
туран маҥнай уот оттоллоро кытаанах. Ону күлэр сатаммат.
Арыычча киһи аһынар дьоно. Оҕолоругар өлүүлээх эрэйдээх-
тэр эбээт ити. Көрбөккүт дуо: оҕолорун кэтэҕэр уһун сүүмэх
баттаҕы үүннэрэн сылдьаллар дии. Кинилэр санааларыгар,
дойду иччитэ, оҕону ити сүүмэҕиттэн тута сылдьан, өлүүт-
тэн-алдьархайтан араҥаччылыах тустаах…
Саалана сылдьан, төһө да сылайбытын-илистибитин иһин,
кини хаһан да киҥэ-наара холлубат, булду сыыстаҕына да,
кыһыйбат, барытын көргө-оонньууга эргитэн кэбиһэ сылдьар
киһи.
/…/

Ыйытыылар уонна сорудахтар

1. Суруйааччы олоҕун биир саамай кэрэ түгэнинэн буолбуту —
улуу Ойуунускайдыын Москваҕа суруйааччылар 1 съезтэ-
ригэр делегатынан сылдьыбытын туһунан кэпсээҥ.
2. «Өһүргэс да киһи кыайан өһүргэммэт гына, сатаан эйэҕэс ­
тик оонньоон саҥарар буолара Платон Алексеевич…»,
«ылым матаҕына, бэйэтэ хайдах саныырын бэрт холкутук,
наҕыллык быһааран биэриэҕэ» диэн этиилэр өрөбөлүүссүйэ
ырыаһытын хайа өттүттэн арыйалларый?

129