Page 160 - Литература 10 кылаас 2 чааhа

Бэйиэмэлээх этим буолбаат?!
Убайдарбын тарбыы сылдьан,
Онтукайбын умна сыстым.
Онно эмиэ арба, Лэкэ
Уоллаах кыыһы ытар этэ.
Уоһах уостаах оҕо муҥнаах,
Ону баара, аны мин,
Өлөрсүһүү сүрүн-кэбин
Өйгө күүрдэн дьүһүннүүр
Ыарахан иэйии ындыыта,
Ынырыга, суоһа суох,
Дэгэт-дьүөрэ хоһоонунан
Чэпчэкитик ойуулаан,
Нүһэр соҕус суҥхаҕа
Түбэспиппин өйдүүбүн.

VI.
Халыҥ көмнөх үллүктэрин
Хахсаат тыалбыт хастыы ыһан,
Хара тыабыт мастара
Хампа күөхтээх хаарыан сайын
Хаһан кэлэр диэбиттии,
Хамсыы-тыаһыы иэрийдилэр.
Үрүҥ күммүт, үөһэ ыттан,
Үрдүк халлаан уорҕатыттан,
Салаҥ элбэх хататтарын
Сардырҕаччы сайа саҕан,
Сарпа кыырпах саһарҕатын
Сандаарыччы саккыратта.
Хайа охсуу аҥхай сирдээх
Халдьаайыга, куулаҕа —
Хахыйахтаах, сэппэрээктээх
Хара ыарҕа быыһыгар,
Көмүк көмнөх анныттан
Көбөн, күнүс тахсаннар,
Халыҥ үөрдээх хабдьылар
Хаарга оһуор астылар…

Алаас-алаас аайыттан сугулааҥҥа дьон мустубуттар. Хол-
куоска киириҥ диэн ыҥырыы мунньах буолбут. Ымыы кыыс
дакылаатчыт, холкуоһунан олоруу туһатын кэпсиир. «Түмсүү

160