Page 155 - Литература 10 кылаас 2 чааhа

Онтуката баара, хата,
Олох атын буолбута…

Мэҥиэ туутун мундутун
Үөлбүттэрин устуруутал
Бэркэ таптаан, хайгыы-хайгыы,
Үөрэ-көтө чэй иһэн,
Олох-дьаһах ымпыгын,
Ону-маны ылҕаабыта.
Кэлин кини, онтон дьэ,
Кэлбит сыалын эппитэ:
«Ымыы эргэ барара
Ыраах эрдэ билигин,
Куораттастын миигин кытта, —
Кууруска эҥин үөрэниэ…
Үүнэр, эдэр киһи киэнэ
Үрдүк дьоло, кэскилэ
Үөрэниигэ эрэ буолар.
Үтүө суолу тумнубатын…»

Ылбай уола, дьиҥинэн,
Ымыы барар буолбутун
Сөбүлээбэт эрээри,
Сөпсөһөргө тиийбитэ:
Уруккутун буруй туттан,
Утарсыаҕын дьулайбыта.
Дьэбдьиэй эмиэ аатын эрэ:
«Дьэ сөп, бардын», — диэбитэ.
Ити түүнтэн ыла кини,
Икки-үс күн устата,
Ыраах айан суолугар
Ымыы кыыһы тэрийбитэ.
Суоҕу-баары бэрийэн,
Солоҕунан оргутан,
Cууйан-тараан, абырахтаан,
Суорҕан, тэллэх оҥорбута.
Бороҥ куобах саҕалаах
Бойтуо сыыһа тикпитэ,
Тэстэн хаалбыт тирэҥсэтин
Тилэх салҕаан биэрбитэ.
Эриэн тирии матаҕаҕа:
Иэдьэгэйдээх лэппиэскэ,
Икки муунта сиикэй арыы,

155