Page 158 - Литература 10 кылаас 2 чааhа

«Ат» диэн тыл буолан хаалар.
«Ы»-га «Т»-ны сыһыардахха —
«Ыт» дьаабал тахсан кэлэр…
Хас саҥардахпыт ахсын
Буукубаны этэ сылдьан,
Хата, букатын даҕаны
Буукубаны билбэт диэн, —
Дьиибэ да суол буолар эбит,
Дьэ, мин сөҕөн кэбистим!..
Ахсааммытын көрүөҥ, дьэ эн,
Араас дьикти онно баар!
Биир сыыппара суруллара —
Мин тордуоҕум курдук үкчү.
Биэспит — сиэрпэ-сиэрпэнэн.
Аны туран аҕыспыт —
Аҕабыыттаахха амсайар
Аччыгыйкаан халаачыктан
Адьас-долуой атына суох.
Өссө түөрдү сөҕүөҥ турар:
Өксөөн уола оҥорбут
Өйөнөрдөөх олоппоһун
Өрө тутан кээспит курдук.
Туох да оппот буоллаҕына, —
«Ньуул» диэни суруйабыт.
Онтукабыт ити хомуут
Осоҕоһун маарынныыр…

— Күтүр өстөөх, кэпсээтэҕэ
Көрүдьүөһүн баҕаһын!
Эн хомуутуҥ, тордуоҕуҥ,
Эчи оннук айылаах,
Кириҥэҕэ суруллуох,
Кэрэ маллар үһү дуо?
Бүт чэ, хата, күөс буста,
Бөххүн-саххын хомуйталаа! —
Тигэн эрэр этэрбэһин
Тиэтэлинэн киэр илгэн,
Ньилбэктэрин тэбэнэн,
Дьэбдьиэй туран кэлбитэ.
Сайын, окко киириэх иннинэ, нэһилиэктэн дьокутааттар та-
лыллан, сири үллэстии саҕаламмыт. Налбыһах баайтан сирин

158