Page 167 - Литература 10 кылаас 2 чааhа

Доҕорун суохтатан,
Киһим суох — диэн аахсан,
Чугуйан турбата
Өкүлүүн барахсан.
Билигин фермаҕа
Өкүлүүн дьаһабыл,
Дьаһайар ынаҕар
Эмиэ да харабыл.
Үөр сүөһү сыламныыр
Кыстыгын тэрийдэ,
Бэл диэтэр халҕанын
Бэйэтэ бүрүйдэ.
Биэс киһи үлэтин
Биир дьахтар үлэлиир,
Сылайдым — диэбитин
Истибит мэлигир.
Туйгуннук тутууһу
Сүөһүтүн төрүөҕүн,
Күндүтүк көрүүһү
Көмүһүн оҕотун.
Кыс хаарга кимиэнэ
Сыарҕата кыычырдыыр? —
Ол иһэр, от тиэйэн,
Өкүлүүн бухатыыр.
Ол иһэн, эдэркээн
Сүрэҕэ тулуппат,
Соҕуруу диэкиттэн
Хараҕа арахпат.
Кэтэһэр — өстөөҕүн
Ийэ сир эһэрин,
Баҕарар — көрүөҕүн
Сэрииһит сэгэрин.
Ол улуу кыайыыны
Күн ахсын уһансан,
Үлэлиир бастыҥнык
Өкүлүүн барахсан.
Өрөгөй үрдүөҕэ,
Симилиэс тыал астан,
Сэгэриҥ төннүөҕэ,
Өкүлүүн барахсан!
Ону күүт, үлэҕэр
Өрүүтүн эн бастаа,

167