Page 219 - Литература 10 кылаас 2 чааhа
P. 219
Оттон эн аҥаардас Уолан
Хайа суолунан барыаххыный?
Хаһан, ханна ким-туох буолан
Эн биһи көрсүһүөхпүтүй?
Дьыллар буолбуттар. Арай кини
Дохсун суолунуун сойбута,
Айыылаах-буруйдаах ол киһи
Аан алаһаттан тэйбитэ.
Ыйытыылар уонна сорудахтар
1. Бэһис ырыаҕа Айталы Куо өлүүтэ айымньы муҥутуур чып-
чаала буоларын быһаарыҥ.
2. «Ытаа, үс үөстээх Өлүөнэ, Ытаа, тулаайахсыйбыт Сай-
сары, Ытаа, саадахтаах сахам бииһэ, Ытаа, кылыстаах
Көҥүл кыыһа!» диэн дьоруой бу айманыыта тугу туоһулуу-
руй?
Тыыннаах тыл
y Тутулунан уонна ис хоһоонунан, сүрүн дьоруой норуотун туһу-
гар охсуһуутунан айымньы олоҥхону санатарын ырытыһыҥ.
Бэйиэмэ олоҥхоҕо маарынныыр түгэннэрин кэпсэтиҥ.
y Өйтөн суруйуҥ: «Арай суоҕа биир: киһи диэн чиэһэ, Киһи Ийэ
сиригэр иэһэ»; «Дьулуура — үрдүк, модун — санаата».
АНААН ДЬҮҮЛЛЭҺИИ
«Көҥүлгэ тардыһыы — бу үтүө уонна мөкү киирсиитэ» диэн
санаа тула кэпсэтиІ.
АЙАР, АЙЫМНЬЫЛААХ ҮЛЭ
«Уолан Эрилик» бэйиэмэ 6, 7, 8 ырыаларын салгыы ааҕыҥ.
Байҕалга монолога, доҕоро Дьэргилэ аҕатын кытта көрсүһүүтэ,
Куйахтаах киһи, Кэлгиэлээх киһи буолуута, о. д.а. туһунан
билиэххит. Уолан Эрилик дьылҕатын быһаарарга холонуҥ.
219
