Page 92 - Литература 10 кылаас 2 чааhа

Улуу аар уотунан
6
Аччыланан эрэллэр!
Сүллэр сүргүөр этиҥ
Эҕэрдэ халлаантан таҥнары иҥэрсийдэ!
Кыыһар кылбаарар тыҥ
Кытарар дьалхаан толбонноро торолуйда!

* * *
Оо, бэттэх-бэттэх тур!
Сор муҥун дьулайынан тобулбут,
Аан дьамаат!
Ээ! Мантан-мантан көр!
Эрэй-муҥ эгэлгэтин билбит,
Улуу дьамаат!
Ол!
Кыһыл өрт уота
Улуу дойду бохсурҕатын сиэн эрэр!
Ол!
Илбис-сах уота
Боҕуу-хара муҥу быһа аччылаан эрэр!

* * *
Хара-тыын хаппытаал
Хара баттала дьалбарыйар саҕа буолла!
Илбис-тыын хаппытаал
Эрэй илбиһэ тэлгэрийэр кэмэ кэллэ!
Улуу чупчурҕаннаах
Уот-сойуо тумус тугулуттан туллан эрэр!
Өлүү өргөстөрдөөх
Хаан-дэгиэ тыҥырах туураттан түһэн эрэр!

* * *
Бэттэх көрөн, мичий!
Хатан хандалыҥ сууллан эрэр,
Хара дьамаат!
Манна туран, битий!
Тыйыс бохсурҕаҥ уулан эрэр,
Билэ дьамаат!

6 Священный

92