Page 113 - Литература 11 кылаас 1 чааhа

Борохуот Маача сэлиэнньэтин бириистэнигэр тиксэрин
кытта Сэмэн старшинаттан көрдөстө:
— Табаарыс старшина, баарсаттан түһэрбин көҥүллээ!
— Манна өр буолбат үһүбүт, аны хаалан хаалыаҥ.
— Табаарыс старшина, өр буолуом суоҕа.
— Манна түһэр оннук туох наадалааххыный?.. Таптыыр кыы-
һыҥ манна олорор дуо?
— Суох… Атын наадалаахпын.
— Чаас иһинэн эргиллэр буоллаххына, көҥүллүөм.
— Эргиллиэм!
Сэмэн трап устун сүүрэн түстэ, ийэтин уҥуоҕар быһа таҕыс-
та. Аҕатыныын туппут пааматынньыктара хайыы сахха айгы-
раа быт: эркиннэрин мастара хайыта хаппыттар, үрүт хапта-
һыннарын күн уота харааччы сиэбит.
«Манна Мария Владимирова көмүллэн сытар.
Кинини 1922 сыллаахха кыһын бандьыыттар өлөрбүттэрэ.
Эн сырдык кэриэһиҥ хаһан да умнуллуо суоҕа.
Кэргэнэ уонна уола ВЛАДИМИРОВТАР».
Ити суруга көстөр-көстүбэт буолбут. Ылтаһын сулустаах
остоолбото иҥнэри түспүт. Ким эрэ сулуһу сыал ыта оонньоо-
бут — ылтаһына хомуруттубут, кырааската хоҥнуталаабыт.
Сэмэн ийэтин уҥуоҕар төбөтүн санньытан турда. Иҥнэри
түспүт суруктаах остоолбону бу курдук хаалларара табыллыа
суох. Оттон лаппаакыта суох хайдах көннөрүөй? Тиэтэйэ-саа-
райа Маача дэриэбинэтигэр тэбиннэ. Быһа Иван Усов дьиэ-
тигэр кэлэн киирдэ.
Иван Усов дьиэтигэр суох эбит. Кэргэнэ лааппытыттан кэ-
лэн чэйдии олорор. Сэмэн дьиэҕэ киирээт:
— Иван Перфильевич ханнаный? — диэн, дорооболоһорун
оннугар ыйытта. Дьиэлээх дьахтар, «хайалара киирэн туоһу-
ласта?» диэбиттии, Сэмэни одууласпахтаата. Онтон кимин-ту-
гун билэн:
— Дорообо!.. Семён Фёдорович кэлбит эбиккин дуу? Иван
Совекка баара буолуо… Кэл, олор, чэйдэ ис!
— Миэхэ тимир күрдьэх наада… Чэйдиир бокуойум суох, —
диэн, туохха наадыйан бу курдук ыксаан киирбитин эттэ.
— Тоҕо ол тимир күрдьэххэ наадыйдыҥ? — Усов кэргэнэ
дьиктиргээн ыйытта.
— Ийэм уҥуоҕар туруорбут остоолбобут иҥнэри түһэн хаал-
быт… Ону көннөрүө этим.
— О, бу барахсаны… Бу хантан кэллиҥ?

113