Page 161 - Саха тыла 5 кылаас
P. 161
Туохтуур кэлэр кэмин 2-с сирэйэ биир ахсааҥҥа
ҥ дорҕоонноох суруллар: эн барыаҥ, барыаҕыҥ; эн
кэлиэҥ, кэлиэҕиҥ.
Туохтуур соруйар киэбигэр элбэх ахсааҥҥа ҥ дор-
ҕоонноох суруллар: туруоҕуҥ, туруҥ, тураарыҥ, оло-
руоҕуҥ, олоруҥ, олорооруҥ, аһыаҕыҥ, аһааҥ, аһаа-
рыҥ.
292. Алҕаһы булан көннөр.
Уулаах балык, дьиэлээх баһылык курдук сананын, са-
халыы хойуу чэйдэ оргутун. Итини мааҕын бэйэтиттэн
ыйытыан этэ буоллаҕа дии. Тукаам, түргэнник бар, хо-
йутаатаҕын буолуо. Чэ, эдэр дьон, оонньоон-көрүлээн,
миэхэ букатын кыһаныман.
293. Биир эмэ көрбүт-истибит түбэлтэҥ туһунан сэһэр-
гээһин тиэкиһи суруй. Суруйбуккун доҕотторгор
кэпсииргэ бэлэмнэн.
61 §. Нууччалыы тылы таба суруйуу
! Нуучча да, омук да тыла саха тылын дорҕоонугар сөп
түбэһэн уларыйаллар. Холобур, стол-остуол, автобус-оп-
туобус, завод-собуот, компьютер-көмпүүтэр, яблоко-
дьаабылыка, правительство-бырабыыталыстыба, тык-
ва-тыыкыба.
Ол эрээри сорох тылы итинник суруйар кыаллыбат (хо-
лобур, тиэрмин, аныгы кэм тыла-өһө).
294. Бэриллибит тыллары сахалыы көрүҥүнэн улары-
тан суруйар кыах баар дуо? Холонон көр.
Рентген, фильтр, бильярд, рейс, следователь, воспи-
татель, вертолёт, слон.
161
