Page 157 - Саха тыла 5 кылаас

Xос быһаарыы: тэттик тиэкискэ түбэлтэ буолар сирин,
кэмин, сүрүн дьоруойдары билиһиннэрии үксүн 1—2
этиигэ холбуу бэриллэр. Холобур: саргылаах Саҥа дьыл
үөрүүлээх-көтүүлээх бырааһынньыгар оҕолор күүтэр
күндү ыалдьытынан Моруос оҕонньор буолар.

285. Тиэкиһи аах. Тиибин быһаар, тутулун ырыт. Сү-
рүн санаатын быһаар. Аатта толкуйдаа. Тиэкис
апсааһын болҕой.

Кыһын. Амырыын тымныы адаҕыйан турар. Эһэбит Дьө-
гүөрсэ оҕонньор тыаҕа тахсан уонча хонон, тоҥон-хатан,
аан туманы бүрүнэн хоочугураан киирдэ. Киирэн, сонун,
бэргэһэтин устан, эргим-ургум көрө-көрө, тарбаҕын са-
ратан, билиитэ оһоххо чугаһаан иһэн, аргыый ыйытта:

— Маачыҥка баар дуу?
Ити кини икки саастаах сиэнэ Машенька кыысчааны
ыйытар.
— Ээ-э?! — эбэбит Балбаара эмээхсин, соһуйан, өрө
көрө түһэр.
— Маачыҥка ... баар дуу? — оҕонньор өссө симиктик
ыйытар.
— Баар буолумуна. Булан-булан ыйытар ээ: ханна ба-
рыаҕай бу үлүгэр тымныыга ол иккилээх оҕо?
Дьөгүөрсэ оҕонньор, истиҥ иэйиитин быктарбытыт-
тан кыбыстыбыттыы, сирэйин кистии туттан, оһох инни-
гэр олорор. Кини сиэнэ кыысчаан ханна да барбатаҕын
билэр, ону сураспат, дьиҥинэн, кини ити тылларга Маа-
чыҥката барахсаҥҥа муҥура суох тапталын бүтүннүүтүн
тоҕо сүөкээн эттэ.
Таптал тыына онуоха туһааннаах тылларынан эрэ этил-
либэт быһыылаах. (Софрон Данилов)

286. Биир эмэ түбэлтэ туһунан кэпсээннэ суруй.

157