Page 68 - Саха тыла 6 кылаас

Ситимнээх саҥа

ХАМСЫЫР-ХАРАМАЙЫ ОЙУУЛААҺЫН

122. Хамсыыр-харамайы ойуулуур тиэкистэри ааҕыҥ.
Бэйэҕит дьиэ көтөрүн туһунан ойуулааһын тиэ-
кистэ оҥорон кэпсэтиһиҥ.

I. КУЛГААХТААХ

Кулгаахтаах хаххан, мэкчиргэ, хаар эбэ бииһин ууһугар
киирсэр сиэмэх көтөр. Бу ааттаммыт көтөрдөртөн улахан-
нара, күүстээхтэрэ. Дьүһүннэринэн, быһыыларынан төһө
да чугастаһалларын иһин, кулгаахтаах уратытынан, аатын
курдук уһун кулгаахтаах. Төп-төгүрүк киэҥ эрилкэй харах-
таах, көпсөркөй кытарымтыйан көстөр түүлээх, тура сыл-
дьар икки чөрөллүбүт кулгаахтаах, иһин диэки токуруйан
киирбит сытыы баҕыа тыҥырахтаах.

(Василий Тарабукин)

II. КӨҔӨН

Көҕөн саас эрдэ кэлэр көтөрдөртөн биирдэстэрэ. Сы-
һыыга, толооҥҥо өссө да хаардаах сыттаҕына, Маай бы-
рааһынньыга буолуон хас да хонук иннинэ, көҕөн кэлээччи.

Сааскы кустартан саамай улаханнара, көстөр дьүһүнүнэн
кэрэлэрэ. Атыыр көҕөн төбөтө күөх баархат курдук килбэл-
дьийэн көстөр дьүһүннээх, кыһыл атахтардаах, хараҥатыҥы
дьүһүннээх араҕас тумустаах, моонньугар маҥан мойбор-
доох, куорсуннара араас дьикти дьүһүнүнэн килбэлдьийэн
көстөллөр. Хараҥатыҥы кугдархай түөһүн түүтэ сааскы
хагдаҥ окко олус маарынныыр. Ол да иһин от быыһыгар
олордоҕуна, адьас чугастан да көрбөккө ааһыаххын сөп.

(Василий Тарабукин)

68