Page 103 - Саха тыла 7 кылаас

төрөөн баран, дьоллоохтук олорон ааһыы буолар. Ханна баҕарар
киһи дууһата ыраас, санаата баай буолуохтаах.

Бааллар олоҕу отой сыаналаабат, муус сүрэхтээх бүтэй дьон,
тоҕус муҥур моһол суолун тутуһан эрэйгэ-кыһалҕаҕа ылларбыт
дьон, сарсыҥҥыны санаабакка күннээҕинэн олорор дьон. Кинилэри
аһыныахха сөп. Элбэҕи билбэккэ, олох үчүгэйин мүччү туппуттарын.
Олохторун ый ыһыаҕа оҥостон оонньуу-күлэ сылдьан, куһаҕан дьал-
лык маҕалайыгар киирэн биэрбиттэрин.

Өйдөөн көрүҥ: эдэр киһи олоҕо уһун, өссө да 40—50—60 сыл.
Ол тухары оннун-туойун булбакка, муннугу-ханныгы кэйэ сылдьар
кэрэгэй кэскилин. Таптыыр кыыһын оннугар арыгылаах бытыылка-
ны бобо кууспут эдэр уолу! Олорор дьиэ сылааһын, төрөтөр оҕо
минньигэһин билбэтэх хатырбыт сүрэхтээх киһини! Өйдөөн көрүҥ:
аатын ааттатар ыччата суох силистиин-мутуктуун симэлийэр кыр-
дьаҕас ыар дьылҕатын!

Биирдэ кэлбит олоҕу киһи кэминэн, саха үгэһинэн сиэрдээхтик
олорон ааһыахха! Ол туһугар сүүрүк хоту устубакка, олоххо дьулуур-
даах буолуохха!

(«Эдэр саас» хаһыаттан)

· Суолтатын быһаар, синиэньимнэ бул. Тиэкистэн бу тыл тут-
туллар этиитин аах.

Кэм-кэрдии, бүтэй дьон, муҥур моһол, ый ыһыаҕа, дьаллык,
маҕалай, муннугу кэйэ сылдьар, кэрэгэй, бобо кууспут, хатырбыт
сүрэх, сүүрүк хоту.

208. Тойоннооһун ханнык истиилинэн суруллубутун бы-
һаар. Дакаастаа.

I. «Саха оҕуһун мииннэ да — ырыаһыт» дииллэр. Саха — бэртээхэй
импровизатор. Бу ыччат хааныгар баар быһыылаах. Билигин мэлэ-
дьиис да элбэҕэ ону кэрэһилиир. Ол эрээри норуот үгэһигэр олоҕу-
ран үлэлээбэт буоллахха, үгүс үтүө үгэс быстан хаалыан сөп.

«Саха оһоҕун иннигэр олордо да — бөлүһүөк» дииллэр. £бү-
гэ куосумас далааһыннаах бөлүһүөпүйэлээх эбит. Олоҥхо — сүдү
бөлүһүөпүйэлии айымньы. Баҕар, хаһан эмэ «Саха бөлүһүөпүйэтэ»
эбэтэр «Саха бөлүһүөпүйэтин тылдьыта» диэн кинигэ баар буолуо.
Норуот сүдү духуобунай култуурата түмүллүөхтээх. (ВС)

103