Page 98 - Саха тыла 7 кылаас

199. Кэпсэтиини аах. Ойуулааһыннаах кэрчигин булан ый.

— Хайа, Даша, привет!
— Э, привет!
— Туох сонун? Ханналаатыҥ?
— Һуох, домойдаан иһэбин. Шопиннаан кэллим.
— Айуу-чэ, ханна?
— «Джинсэҕэ» эрэ сырыттым. Жёстко сылайдым!
— Тугу ыллыҥ, дьэ? Көрдөрүүй!
— Бу! Хайдаа-рэ да?
— Көрдөр-көрдөр! Хараҥа күөх. Обманка сиэптээх. Узкайа үчүөй
эбит! Оо, бу тугай? Стразик бөҕөтө... Ха-ха! Наһаа дьи! Кыра оҕо
курдук манныгы тоҕо ыллыҥ? Оттон бу тугуй? Кардиган. Вязанай.
Һы, розовай эҥин. А это? Чэ-чэ, көрдөр, кистээмэ! Шапочка. Ничё
курдук. Хотя... Полоскалааҕа не в тему. Перчатки. Лучше кожаные,
кнешно! Уонна... Бүттэ да?
— Бүтэн-бүтэн! Көрдөрөн да диэн!..

· «Киһи саҥарар саҥата — ис култууратын туоһута» диэн этиини
хайдах өйдүүргүн быһаар. Тылыҥ-өһүҥ хайдаҕын кэтээн көрөр
буол.

26 §. Дьөһүөл — саҥа чааһа

200. Этиилэр туох уратылаахтар дии санаатыҥ? Тоҕо?

Икки чааска кылааска муһуннубут. Икки чаас саҕана кылааска
муһуннубут. Икки чаас иннинэ кылааска муһуннубут. Икки чаас кэн-
ниттэн кылааска муһуннубут. Икки чаас кэриҥэ кылааска муһуннубут.

Түһүк суолтатыгар хосуһан тыллары, этиилэри ситимниир-
гэ туттуллар көмө суолталаах саҥа чааһа дьөһүөл дэнэр.

Дьөһүөл суолтата нуучча тылыгар предлог суолтатыгар маарын-
ныыр эрээри, тыл кэннигэр турар (перед уроком — пред + лог; уруок
иннинэ — после + лог). Маны таһынан тылга, этиигэ атын-атыннык
туттуллар.
98