Page 116 - Саха тыла 7 кылаас

III. Мин тиэхиньикэҕэ кыайан сыстыа суохпун, быһыыта. Холуһум
бэрт. Мордаҥ миигиттэн букатын атын. Хайыы үйэ илии-атах буол-
бута, сыстыбыта эрэ баар. Кыыһырымтаҕай, ордуос, тэппини көр-
бөт бэйэтэ, төһө да маатыраны кытта соруйдуннар, ким-хайа иннинэ
сүүрэр. Сайын Аргылов Андрейга куруусчутунан бэркэ табыллан сыл-
дьыбыта. Андрей Морданы көбүөлүүрэ, ол эрээри дьон көрбөтүгэр
куруутун уруулун уларсара. Оттон мин, маатыратааҕар буолуох, куо-
лаһы да үрдэтэн соруйары тириим таһынан истээччибин. Куруубай
сыһыаҥҥа илин-кэлин түһүөх санаам кэлбэт. Дьэ, ол иһин тыраах-
тарга да, массыынаҕа да сыстан биэрбэппин. Дьиэбэр баар учуобун-
ньуктары эрэ ааҕабын. Быһата, быраактыката суох түөрүйэ. (Д)

28 §. Саҥа аллайыы — саҥа чааһа

226. Аах. Этии ис хоһооно тоҕо уларыйда?

Тыый, бу эн эбиккин дуу! Оок-сиэ, бу эн эбиккин дуу! Һуу, бу эн
эбиккин дуу?

Пахай, эн кэлэн турар эбиккин дуу? Татат! Эн кэлэн турар эбик-
кин дуу! К³р эрэ, эн кэлэн турар эбиккин дуу!

Араас иэйиини, ис туругу биллэрэргэ туттуллар тыл саҥа
аллайыы диэн ааттанар. Маннык тыл уларыйбат, көмө тыл-
лар курдук ыйытыыга хоруйдаабат, этии чилиэнэ буолбат.

Саҥа аллайыы киһи үөрбүтүн-хомойбутун, сөхпүтүн-махтайбытын,
куттаммытын, соһуйбутун, абарбытын, тоҥорун-буһарын, ыалдьарын,
соруйарын, о.д.а. көрдөрөр. Биир саҥа аллайыы араас суолталаах буо-
луон уонна ханыылаһыан, хоһулаһыан сөп. Кэпсэтии тылыгар, уус-уран
айымньыга киэҥник туттуллар, саха тылын биир олус этигэн ньымата
буолар.

Холобур: Оо, тугун үчүгэйэй! Оо, тугун кыһыытай! Оо, иэдээн да
эбит! Оо, үчүгэй да үчүгэй!

Саҥа аллайыы кэнниттэн соппутуой эбэтэр күүһүрдүү бэлиэтэ ту-
рар. Холбуу саҥа аллайыыга дэпиис суруллар.

Холобур: Чэ, кытаат. Чэ! Туруохпут дуо, хамсаамахтаан ис. Чэ-чэ,
ол-бу буолума.
116