Page 35 - Саха тыла 7 кылаас
P. 35
Билиҥҥи кэм саҥарар түгэҥҥэ уонна мэлдьи буолар ха-
йааһыны көрдөрөр. Холобур, Ылдьаа харандааһынан уру-
һуйдаабыт ойууларын уларса сылдьан көрдүлэр. (СМ) Саха
сиригэр атырдьах ыйын саҥата ардыыр, онтон саҕалаан уу
тымныйар, сөтүөлээһин тохтуур.
Кэлэр кэм саҥарбыт кэнниттэн буолар хайааһыны көр-
дөрөр. Холобур, Мин өлүөм буоллаҕай, эн өлүөҥ. Куттаныма,
туох да буолуом суоҕа. (ЕН)
Кэлэр кэм биир ахсааҥҥа икки араас халыыптаах: көрүөм —
көрүөҕүм, көрүөҥ — көрүөҕүҥ, көрүө — көрүөҕэ. Маны то-
лору халыыба кылгаабытыттан үөскээбит диэн быһаараллар.
Сорох дьон кылгас уонна толору халыыптар суолталарынан
туспатыйар диэн өйдүүллэр. Холобур: Бүгүн дьиэбэр ба-
рыам — сотору барыам эбэтэр, баҕар, барыам. Оттон бүгүн
дьиэбэр барыаҕым — хойутуу соҕус эбэтэр хайаан да барыам
диэн буолар дииллэр.
Ааспыт кэм саҥарыах иннинэ буолбут хайааһыны көрдөрөр.
Холобур: Дуунньа соһуйан, хараҕын муҥунан көрдө. (ЕН) Бу
адьас аҕыйах хонуктааҕыта, сыарҕа суола тураатын кытта,
эмиэ баран мунньах ыытан кэлбитиҥ. (ЕН)
70. Бэлиэтэммит туохтуурдар кэмнэрин тэҥнээн көрүҥ:
көрдө — сибилигин саҥарыах эрэ иннинэ буолбут хайаа-
һыны бэлиэтиир, ол иһин билигин ааспыт кэм дэнэр.
Оттон кэлбитиҥ — саҥарыах иннигэр өрдөөҕүтэ буол-
бут хайааһыны бэлиэтиир, ол иһин урут ааспыт кэм
дэнэр. Эһиги санааҕытыгар, хайдаҕый?
Урут ааспыт кэм тус-туспа дэгэттээх элбэх араастаах.
1. Мин бу киинэни көрбүтүм. (Урут ааспыт кэм)
2. Мин киинэ ис хоһоонун умнубуппун. (Түмүктээх урут ааспыт кэм)
3. Мин эмиэ бу киинэни көрбүттээхпин. Мин эмиэ бу киинэни көрөн
турардаахпын. (Биирдэ буолбут урут ааспыт кэм)
4. Эн, кырдьык, бу киинэни көрбүт этиҥ. (Туоһулаах урут ааспыт кэм)
5. Мин бу киинэни урут хаһан эрэ көрбүттээҕим. Мин бу киинэни
урут хаһан эрэ көрбүттээх этим. (Туоһулаах биирдэ буолбут урут
ааспыт кэм)
6. Мин бу киинэни урут ханна эрэ көрбүттээх эбиппин. (Түмүктээх
биирдэ буолбут урут ааспыт кэм)
35
