Page 42 - Саха тыла 7 кылаас

81. Сэрэтэр киэп ити көстөр үс суолтатыгар иккилии этиитэ оҥор.
Холобур, Ыйыппакка эрэ аны тыаҕа тахсаайаҕын! Кытаат,
аны кыайыылаах тахсаайаҕын? Бүгүн олус хойутааммыт,
күттүөннээх үлэ тахсымаарай.

Бигэргэтэр киэп хайааһын саҥарбыт кэннэ буолуон,
оҥоһуллуон сөбүн сылыктыыры эбэтэр хайааһыны оҥорорго
сорунууну, баҕарыыны көрдөрөр. Кеша үчүгэйдик үөрэнииһи.
Сарсын дьиэбэр барыыһыбын.

Буолбат халыыба туохтуур буолбат олоҕуттан уонна -ыа
суох+пун эбэтэр ыа+м суох аттаһык халыыптарынан үөскүүр.

82. Бигэргэтэр киэп буолбат халыыптарыгар биирдии хо-
лобурда эт. Холобур, Итинник буоллаххына, ытыыр
да оҕону эмсэхтиэ суоххун. Бытааныҥ бэрт — дьиэҕэр
тиийиэҥ суох.

Буолуохтаах киэп хайааһыны оҥорорго соруктаммыты
эбэтэр эбээһинэстэммити, күһэллибити көрдөрөр. Убайым
сарсын куонкуруска кыттардаах, оттон мин киниэхэ ыалдьыах-
таахпын.

Буолбат халыыба -баттаах+пын уонна -ыа суохтаах+пын
диэн ураты сыһыарыыларынан үөскүүр.

Этэ- көмө туохтуурунан урут ааспыт кэмҥэ көһүөн сөп: Оч-
чолорго оскуола кэннэ сопхуоска үлэлиэхтээх этибит.

83. Буолуохтаах киэп буолар, буолбат уонна ааспыт кэм суол-
талаах халыыптарыгар биирдии холобурда бул, ханнык
суолталаахтарын быһаар. Холобур: Бүгүн төрөппүттэр
оскуола субуотунньугар сылдьардаахпыт (Эрдэ быһаа-
рыллыбыт, эбээһинэстэммит хайааһын). Биһиги төрөп-
пүттэр оскуола субуотунньугар сылдьыахтаахпыт
(сиэр, үгэс быһыытынан ирдэнэр, толоруллуохтаах эбэтэр
баҕарыллар хайааһын). Ол күн биһиги үлэлиэхтээх эти-
бит (урут оҥоһуллуохтаах хайааһын).

Болдьуур киэп сүрүн хайааһыҥҥа болдьох, усулуобуйа буо-
лар ойоҕос хайааһыны эбэтэр баҕарыы суолталаах сүрүн ха-

42